रामटेक तालुक्यात मनसेने खाते उघडले

लाेकमत न्यूज नेटवर्क

रामटेक : तालुक्यातील नऊ ग्रामपंचायतींच्या सरपंच व उपसरपंचपदाची निवडणूक गुरुवारी (दि. ११) घेण्यात आली. यात सहा सरपंचांची अविराेध निवड करण्यात आली असून, दाेन ठिकाणी निवडणूक घेण्यात आली. शिवाय, एक सरपंचपद उमेदवाराअभावी रिक्त राहिले. तालुक्यात महाराष्ट्र नवनिर्माण सेनेने खाते उघडले असून, सहा ठिकाणी काँग्रेस समर्थित व एका ठिकाणी शिवसेना समर्थित गटाच्या सरपंचाने बाजी मारली.

पथरई येथील सरपंचपदी महाराष्ट्र नवनिर्माण सेना समर्थित गटाचे संदीप वासनिक तर उपसरपंचपदी शिवसेना समर्थित गटाचे चंद्रभान वरठी यांची अविराेध निवड करण्यात आली. संदीप वासनिक हे रामटेक तालुक्यातील महाराष्ट्र नवनिर्माण सेना समर्थित गटाचे एकमेव सरपंच आहेत. खुमारी येथील सरपंचपदाच्या निवडणुकीत काँग्रेस समर्थित गटाच्या संगीता पाटील यांनी विराेधी गटाच्या आम्रपाली माेहबे यांना पराभूत केले. संगीता पाटील यांना आठ तर आम्रपाली माेहबे यांना तीन मते मिळाली. येथे उपसरपंचपदाच्या निवडणुकीत गणेश कवडू यांनी रंजना नारनवरे यांचा सात मतांनी पराभव केला. गणेश कवडू यांना नऊ तर रंजना नारनवरे यांना दाेन मते मिळाली.

पंचाळा (बु.) येथे काँग्रेस व भाजप समर्थित गटांची युती हाेती. येथील सरपंचपदी काॅंग्रेस समर्थित गटाच्या प्रगती माटे विजयी झाल्या. त्यांनी वर्षा मडामे यांचा तीन मतांनी पराभव केला. प्रगती माटे यांना सात तर वर्षा मडामे यांना चार मते मिळाली. उपसरपंचपदाच्या निवडणुकीत भाजप समर्थित गटाचे याेगेश मात्रे यांनी विजय संपादन केला. त्यांनी सिस्टरीन रामप्रकाश पचारे यांचा तीन मतांनी पराभव केला. याेगेश मात्रे यांना सात तर सिस्टरीन पचारे यांना चार मते मिळाली. येथे काॅंग्रेस समर्थित गटाला स्पष्ट बहुमत मिळाले हाेते.

शिवनी (भाें.) येथे काँग्रेस समर्थित गटाला स्पष्ट बहुमत असून, शिवसेना समर्थित गटाला तीन जागा मिळाल्या. शिवसेना समर्थित गटाने काॅंग्रेस समर्थित गटाला पाठिंबा देत उपसरपंचपद मिळवून घेतले. येथे सरपंचपदी काॅंग्रेस समर्थित गटाचे विजय भुरे तर उपसरपंचपदी शिवसेना समर्थित गटाचे भाेजराज धुवाधपार यांची बिनविराेध निवड करण्यात आली. किरणापूर येथे सरपंचपदी श्रीकिसन उईके यांची तर उपसरपंचपदी रामेश्वर हटवार यांची अविराेध निवड करण्यात आली. दाेन्ही उमेदवार काँग्रेस समर्थित गटाचे सदस्य आहेत. मानापूर येथील सरपंचपदी शिवसेना समर्थित गटाचे संदीप सावरकर तर उपसरपंचपदी शिवसेना समर्थित गटाचे भारत अडकणे बिनविराेध विजयी झाले. चिचाळा येथील सरपंचपदी काँग्रेस समर्थित गटाच्या कविता बसेने तर उपसरपंचपदी सुनील गयगये बिनविराेध निवडून आले.

....

दाहाेदा येथील सरपंचपद रिक्त

दाहाेदा येथील सरपंचपद यावेळी अनुसूचित जाती प्रवर्गातील महिलासाठी आरक्षित केले हाेते. येथे या प्रवर्गासाठी एकही वाॅर्ड आरक्षित करण्यात आला नव्हता. त्यामुळे सरपंचपदाचा उमेदवारच मिळाला नसल्याने येथील सरपंचपद रिक्त ठेवण्यात आले आहे. येथे उपसरपंचपदी काॅंग्रेस समर्थित गटाचे स्वप्नील सर्याम बिनविराेध निवडून आले. या निवडणुकीत काॅंग्रेसने त्यांचा गड कायम राखला. नेत्यांनी सरपंच, उपसरपंचपदाच्या निवडणुकीपूर्वी नवनिर्वाचित सदस्यांना तीर्थयात्रा व पर्यटन घडवून आणले.

...

देवलापार येथे सत्तांतर

देवलापार येथील सरपंचपदी शाहिस्ता इलीयाज खान पठाण तर उपसरपंचपदी विनाेद मसराम यांची बिनविराेध निवड करण्यात आली. दाेघेही काॅंग्रेस समर्थित गटाचे सदस्य आहेत. ही ग्रामपंचायत पूर्वी भाजप समर्थित गटाकडे हाेती. यावेळी येथे मतदारांनी सत्तांतर घडवून आणले. भाजपने रामटेक तालुक्यातील पाच ग्रामपंचायतींवर बहुमत मिळाल्याचा दावा केला हाेता. मात्र, त्यांना एका उपसरपंचपदावर समाधान मानावे लागले असून, एकाही ठिकाणी सरपंचपद मिळाले नाही.