तोतया पोलिसांची बनवेगिरी

पोलीस असल्याची बतावणी करून दोन भामट्यांनी आज एका तासात एका वृध्दांसह दोघांना लुटले. धंतोली आणि अजनी पोलीस ठाण्याच्या हद्दीत ही घटना घडली.

नागपूर : पोलीस असल्याची बतावणी करून दोन भामट्यांनी आज एका तासात एका वृध्दांसह दोघांना लुटले. धंतोली आणि अजनी पोलीस ठाण्याच्या हद्दीत ही घटना घडली.

सुरेंद्रनगर येथील रहिवासी वसंत रघुनाथ रायपूरकर (वय ८१) हे मॉर्निंंग वॉक करीत होते. सकाळी ७.३0 वाजता आरपीटीएस रोडवर अंदाजे ४0 ते ४५ वयोगटातील दोन भामटे त्याच्याजवळ आले. आम्ही पोलीस आहोत. या ठिकाणी सोन्याचे दागिने लुटण्याच्या पुष्कळ घटना घडल्या. ‘ तुम्ही तुमची सोन्याची अंगठी काढून खिशात ठेवा‘अशी त्याने बतावणी केली. लगेच रायपूरकर यांच्या हातातील अंगठी काढून ती पुडीत बांधल्याचा बनाव केला आणि निघून गेले. काही वेळेनंतर रायपूरकर यांनी पुडीत अंगठी पाहिली असता ती दिसली नाही. या घटनेच्या एक तासानंतर अजनीतील रामेश्‍वरी मार्गावर अशीच एक घटना घडली. अनुराधा क्रिष्णमुर्ती अय्यर (वय ५५, रा. बॅनर्जी ले आउट, सत्यनारायण अपार्टमेंट) या ‘मॉर्निंग वॉक करीत असताना रामेश्‍वरी नूर हार्डवेअरजवळ त्यांना दोन भामट्यांनी रोखले. आम्ही पोलीस आहोत, समोर लुटमारीची् घटना झाली आहे, असे सांगून त्यांनी अय्यर यांना त्यांच्या गळ्यातील मंगळसूत्र आणि सोनसाखळी काढायला लावली. हे दागिने कागदाच्या पुडीत बांधल्याचा देखावा करून ती पुडी अय्यर यांच्या हातात दिली आणि पळून गेले. काही वेळेनंतर अय्यर यांनी पुडी सोडून पाहिली असता त्यात दागिने नव्हते. त्या भामट्यांनी पळविलेल्या दागिन्यांची किंमत १ लाख २0 हजार आहे.

धंतोली आणि अजनी पोलिसांनी या प्रकरणी फसवणुकीचे गुन्हे दाखल केले. आरोपींचा शोध घेतला जात आहे. (प्रतिनिधी)