लॉकडाऊन शिथिल, मास्क गायब

ब्रिजेश तिवारी

लाेकमत न्यूज नेटवर्क

काेंढाळी : काेराेना संक्रमण कमी हाेताच राज्य शासनाच्या आदेशान्वये जिल्हा प्रशासनाने लाॅकडाऊन शिथिल केले. त्यातच काेराेना संक्रमणाचा धाेका पूर्णपणे टळला नसला तरी नागरिकांनी मास्कचा वापर करणे व बाजारात अथवा गर्दीच्या ठिकाणी फिजिकल डिस्टन्सिंगचे पालन करणे टाळायला सुरुवात केली आहे. नागरिकांचा हा बेजबाबदारपणा काेराेना संक्रमणाच्या पथ्यावर पडण्याची शक्यता आराेग्य विभागातील जाणकार व्यक्तींनी व्यक्त केली आहेे.

लाॅकडाऊनचा छाेट्या माेठ्या उद्याेगांसाेबतच दुकानदार व सामान्य नागरिकांच्या राेजगारावर प्रतिकूल परिणाम झाला. लाॅकडाऊन शिथिल केल्यानंतर काेंढाळी (ता. काटाेल) येथे आठवडी बाजार भरायला सुरुवात झाली. त्यातच बाजारपेठेतील संपूर्ण दुकाने उघडायला सुरुवात झाल्याने ग्राहकांनी खरेदीसाठी माेठ्या प्रमाणात घराबाहेर पडायला सुरुवात केली.या काळात हाॅटेल, ढाबे, बीअर बार, मंगल कार्यालये नियाेजित वेळेसाठी सुरू करण्यात आले.

या ठिकाणी गर्दी हाेणार असल्याचे अपेक्षित असल्याने त्यासाठी शासनाने नियमावलीही जाहीर केली. शिवाय, या काळात प्रत्येकाने काेराेना प्रतिबंधक उपाययाेजनांचे काटेकाेर पालन करण्याचे आवाहन उपविभागीय अधिकारी श्रीकांत उंबरकर व तहसीलदार अजय चरडे यांनी वेळावेळी करीत उल्लंघन करणाऱ्यांवर दंडात्मक व प्रसंंगी कायदेशीर कारवाई करण्याचा इशाराही दिला. मात्र, नागरिक व व्यावसायिक याकडे लक्ष द्यायला व उपाययाेजनांचे पालन करायला तयार नसल्याने दिसून येते. ही स्थिती काटाेल शहरासह तालुक्यातील बहुतांश गावांमध्ये आहे.

...

१५५ काेराेना रुग्णांचा मृत्यू

काेराेना संक्रमणाचा काटाेल तालुक्यातील ग्रामीण भागाला जबर फटका बसला आहे. दुसऱ्या लाटेत ही तीव्रता अधिक हाेती. तालुक्यात एकूण ९,५४५ नागरिकांना काेराेनाची लागण झाल्याचे स्पष्ट झाले हाेते. यातील १५५ काेराेना रुग्णांचा उपचारादरम्यान मृत्यू झाला असून, यातील बहुतांश रुग्ण ग्रामीण भागातील आहेत. सध्या ८० टक्के नागरिक विना मास्क फिरताना व ९५ टक्के नागरिक फिजिकल डिस्टन्सिंगचे उल्लंघन करताना दिसून येते.

...

लसीकरणाचा वेग मंदावला

तालुका प्रशासनाने काेराेनाच्या तिसऱ्या लाटेचा सामना करण्याच्या दृष्टीने उपाययाेजना करायला सुरुवात केली आहे. त्याअनुषंगाने काेराेना प्रतिबंधक लसीकरणावर भर दिला जात आहे. लसीकरणाचा वेग वाढावा म्हणून उपविभागीय अधिकारी श्रीकांत उंबरकर, तहसीलदार अजय चरडे, खंडविकास अधिकारी संजय पाटील, तालुका आराेग्य अधिकारी डाॅ. शशांक व्यवहारे प्रयत्नरत असून, गावागावात जनजागृती केली जात आहे. दुसरीकडे, लसींचा पुरेसा साठा उपलब्ध हाेत नसल्याने लसीकरणाचा वेगही मंदावला आहे.