नागपुरात शुक्रवारपासून दारू विक्री

शुक्रवारपासून जिल्ह्यात दारू विक्रीस सुरुवात होत आहे, तसे आदेश जिल्हाधिकारी रवींद्र ठाकरे यांनी आज गुरुवारी जारी केले आहेत. नगर परिषद, नगरपंचायत भागात टोकन व ऑनलाईन अशा दोन्ही पद्धतीने विक्री होणार असून शहरी भागात फक्त ऑनलाईनच विक्री होईल. कंटेन्मेंट परिसराच्या २०० मीटरपर्यंत दारू विक्री होणार नाही. विशेष म्हणजे फक्त परवानाधारक व्यक्तीलाच दारू मिळणार आहे.

ठळक मुद्देग्रामीण भागात टोकन, ऑनलाईन पद्धतीने होणार विक्री : शहरी भागात फक्त ऑनलाईन

लोकमत न्यूज नेटवर्कनागपूर : शुक्रवारपासून जिल्ह्यात दारू विक्रीस सुरुवात होत आहे, तसे आदेश जिल्हाधिकारी रवींद्र ठाकरे यांनी आज गुरुवारी जारी केले आहेत. नगर परिषद, नगरपंचायत भागात टोकन व ऑनलाईन अशा दोन्ही पद्धतीने विक्री होणार असून शहरी भागात फक्त ऑनलाईनच विक्री होईल. कंटेन्मेंट परिसराच्या २०० मीटरपर्यंत दारू विक्री होणार नाही. विशेष म्हणजे फक्त परवानाधारक व्यक्तीलाच दारू मिळणार आहे.कोरोनामुुळे १८ मार्च रोजी जिल्ह्यात दारूबंदी करण्यात आली. यामुळे मद्यपींची चांगलीच अडचण झाली. लॉकडाऊनच्या तिसऱ्या टप्प्यात केंद्र व राज्य सरकारने दारू विक्रीस परवानगी दिली. परंतु, नागपूर महानगर पालिका आयुक्त तुकाराम मुंढे आणि जिल्हाधिकारी रवींद्र ठाकरे यांनी दारू विक्रीस परवानगी नाकारली. यामुळे मद्यपींमध्ये चांगलीच नाराजी झाली. त्यामुळे अवैध दारू विक्रीचे प्रमाणही वाढले. मद्यपींनी दुकाने फोडून दारू चोरून नेण्याच्या घटनाही घडल्या. दरम्यान, उत्पादन शुल्क विभागाकडून दारू विक्रीसाठी काही अटी व शर्ती घालून दिल्या. त्यानंतर आता नागपूर जिल्ह्यातही दारूची दुकाने सुरू होणार आहेत.रात्री उशिरापर्यंत चालली बैठकमद्य विक्रीची दुकाने सुरू करण्यासंदर्भात बुधवारी रात्री उशिरापर्यंत जिल्हाधिकारी रवींद्र ठाकरे यांनी बैठक घेतली. यावेळी उत्पादन शुल्क व आपत्ती व्यवस्थापन विभागाचे अधिकारी उपस्थित होते. सूत्रांकडून मिळालेल्या माहितीनुसार, जिल्हाधिकारी ठाकरे यांनी दुकाने सुरू करण्यास सहमती दर्शविली. गुरुवारीसुद्धा सकाळपासून अधिकाऱ्यांच्या बैठका झाल्या. सकाळीच या संदर्भातला अधिकृत आदेश काढण्यात आला.महत्त्वाच्या बाबीनगर परिषद, नगरपंचायत व ग्रामीण क्षेत्रात दुकानासोबत आॅनलाईन विक्रीसकाळी ९ ते सायंकाळी ६ वाजेपर्यंत दुकाने राहणार सुरूदुकानात एकावेळी पाचपेक्षा जास्त व्यक्ती नसतीलफिजिकल डिस्टन्सिंग व मास्क अनिवार्यदुकानातील नोकरांची व ग्राहकांची थर्मल स्कॅनिंग करणेसर्दी, ताप, खोकला असणाऱ्यास प्रवेश देऊ नयेदुकानात मद्यप्राशन करता येणार नाहीपरिसरात थुंकण्यासही मनाईदारू घेताना एक मागणी फॉर्म भरून द्यावा लागणारशहरी भागात फक्त ऑनलाईन विक्रीडिलिव्हरी बायकडे २४ बॉटल्स असतीलशहरी भागात कंटेन्मेंट झोनच्या २०० मीटर परिसरात बंदी