माथनी पुलावरील प्रवास धाेकादायक

लाेकमत न्यूज नेटवर्क

माैदा : माैदा शहर व माथनी (ता. माैदा) या गावाला जाेडणाऱ्या कन्हान नदीवरील पुलाचे बांधकाम ब्रिटिशांच्या काळात करण्यात आले हाेते. हा पूल माेडकळीस आला असून, मागील वर्षीच्या पुरामुळे पुलाच्या मध्यभागी व इतरत्र खड्डे तयार झाले आहेत. या पुलावरून आजही रहदारी सुरू असून, ही वर्दळ धाेकादायक ठरण्याची शक्यता बळावली आहे.

या ब्रिटिशकालीन पुलाचे आयुष्य संपत आले असून, देेखभाल व याेग्य दुरुस्तीअभावी ताे अधिक माेडकळीस आला आहे. आधीच अरुंद असलेल्या या पुलाच्या दाेन्ही बाजूंचे सुरक्षा कठडे फार पूर्वीच तुटले. त्या सुरक्षा कठड्यांच्या निर्मितीची तसदीही प्रशासनाने घेतली नाही. त्यातच ऑगस्ट २०२० मध्ये कन्हान नदीला आलेल्या पुरामुळे या पुलाच्या मध्यभागी व इतर ठिकाणी माेठमाेठे खड्डे तयार झाले आहेत.

१८ वर्षांपूर्वी राष्ट्रीय महामार्गावरील सर्व जड वाहतूक याच पुलावरून होत होती. या पुलाचे आयुष्य लक्षात घेता याला पर्यायी पुलाचे बांधकाम करण्यात आले. त्यानंतर राष्ट्रीय महामार्गावरील संपूर्ण वाहतूक नवीन पुलावरून वळवण्यात आली. सध्या या पुलावरील रहदारी कमी झाली असली तरी बैलगाडी, ऑटो, कार, ट्रॅक्टर व इतर हलक्या वाहनांची वर्दळ सुरू आहे. या पुलाचा वापर व संभाव्य धाेका लक्षात घेतला या पुलाची तातडीने दुरुस्ती करण्याची किंवा या पुलावरील वाहतूक कायम बंद करण्याची मागणी नागरिकांनी केली आहे.

...

भिंत ताेडून वाहतूक सुरू

हा पूल धाेकादायक असल्याने यावरून हाेणारी वाहतूक बंद करण्यासाठी पुलाच्या दाेन्ही टाेकांवर सिमेंटच्या भिंती बांधल्या हाेत्या. मात्र, काहींनी या भिंतींना भगदाड पाडून त्यातून दुचाकी वाहने न्यायला सुरुवात केली. ही भगदाडे आता माेठी झाली असून, त्यांतून बैलगाडी व हलकी वाहने नेली जातात. या पुलामुळे माथनी ते माैदा हे अंतर केवळ दाेन किलोमीटर असल्याने नागरिक जीव धाेक्यात घालून याच पुलाचा वापर करतात.