दयानंद पाईकराव, नागपूर : कमाल चौक पाचपावली येथील एका दुकानातून पाचपावली पोलिसांनी नशेसाठी वापरण्यात येणारे १० लाख २४ हजार ८०० रुपये किमतीचे १२८ किलो १०० ग्रॅम पॉपीस्ट्रॉ (डोडा) पावडर जप्त करून एका आरोपीला अटक केली आहे.
लच्छमीनारायण मैकुलाल जैस्वाल (३८) असे अटक करण्यात आलेल्या आरोपीचे नाव आहे. पाचपावली पोलिसांचे पथक गुरुवारी रात्री ९.५० ते ११.५५ दरम्यान गुन्हेगारांच्या शोधात पेट्रोलिंग करीत होते.
दरम्यान, मिळालेल्या माहितीवरून त्यांनी पाचपावलीतील कमाल चौक येथे आरोपी लच्छमीनारायण याच्या दुकानाची झडती घेतली असता त्याच्या दुकानात ८ प्लॉस्टीक बोरीत १२८ किलो १०० ग्रॅम पॉपीस्ट्रॉ (डोडा) पावडर किंमत १० लाख २४ हजार ८०० आढळले. आरोपीविरुद्ध कलम ८ (क), १५ (क), १७, २२ एनडीपीएस अॅक्टनुसार गुन्हा दाखल करून त्याला अटक करण्यात आली. ही कारवाई पोलिस आयुक्त डॉ. रविंद्र कुमार सिंगल यांच्या मार्गदर्शनाखाली पाचपावलीचे वरिष्ठ पोलिस निरीक्षक बाबुराव राऊत, सहायक पोलिस निरीक्षक प्रविण सोमवंशी, पंकज भोपळे, उपनिरीक्षक माजगावकर, ज्ञानश्वर भोगे, ईमरान शेख, रोमेश मेनेवार, राहुल चिकटे, गगन यादव, संतोष शेंद्रे, महेंद्र सेलोकार, निलेश पवार, निता तामगाड