नागपूर : अनुसूचित जमातीच्या शिक्षकाचा हक्क डावलून बेकायदेशीरपणे मुख्याध्यापक पद लाटणारे विनायकराव देशमुख हायस्कूल, शांतीनगरचे मुख्याध्यापक प्रदीप बिबटे यांना २०२४ मध्ये राज्य सरकारतर्फे मुख्याध्यापक गटात मिळालेला सावित्रीबाई फुले गुणगाैरव पुरस्कार परत घ्यावा, अशी मागणी कास्ट्राईब शिक्षक संघटनेने केली आहे.
संघटनेचे मुख्य संघटन सचिव परशराम गोंडाणे यांनी शासनाकडे ही मागणी केली आहे. खासगी शिक्षण संस्थेच्या शाळेत बिंदूनामावली अध्ययावत करून विभागीय आयुक्त, मागासवर्गीय कक्ष यांचेकडून प्रमाणित करणे अनिवार्य आहे. पदोन्नती देतांना व शिक्षक अतिरिक्त ठरवितांना रोस्टर प्रमाणित केले की नाही, आरक्षणाच्या धोरणानुसार, बिंदूनामवालीनुसार प्रस्ताव सादर केला आहे की नाही, याची काटेकोर तपासणी शिक्षणाधिकारी यांनी करून कार्यवाही करने आवश्यक असते. मात्र प्रदीप बिबटे यांच्याबाबतीत, असे काही केल्याचे दिसून येत नाही.
प्रदीप बिबटे यांनी २०१७ पासून बेकायदेशीरपणे मुख्याध्यापक पदाचा फायदा घेतला. २०२४ मध्ये प्रस्ताव सादर करून राज्य शासनाचा सावित्रीबाई फुले गुणगाैरव पुरस्कार मिळविला. ही शासनाची फसवणूक आहे. त्यामुळे शासनाने हा पुरस्कार वापस घ्यावा आणि २०१७ पासून दिलेले मुख्याध्यापक पदाचे वेतन वसुल करावे, अशी मागणी संघटनेने केली आहे. संघटनेतर्फे शिष्टमंडळात ऋषींद्रकुमार बसेशंकर, प्रबोध धोंगडे, नरेंद्र गजभिये, मधुकर मडावी, अरविंद कुंभरे, भीमराव सालवणकर, प्रमोद खोब्रागडे, राजू नवनागे, हितेश रामटेके, युवराज मेश्राम, प्रवीण मंडपे आदी शिक्षकांनी शासनाकडे केली आहे.
Web Summary : Teacher's organization demands the revocation of principal Pradeep Bibte's award, alleging he illegally obtained the position by bypassing scheduled tribe teachers' rights. They seek recovery of his salary since 2017, claiming fraud and violation of reservation policies.
Web Summary : शिक्षक संगठन ने प्रधानाध्यापक प्रदीप बिबटे को दिए पुरस्कार को रद्द करने की मांग की है, आरोप है कि उन्होंने अनुसूचित जनजाति के शिक्षकों के अधिकारों को दरकिनार करते हुए अवैध रूप से पद प्राप्त किया। उन्होंने 2017 से उनके वेतन की वसूली की मांग करते हुए धोखाधड़ी और आरक्षण नीतियों के उल्लंघन का दावा किया।