नागपुरात तयार झाली म्युकरमायकोसिस सर्जरीची गाईडलाईन

नागपूर : कोरोना संक्रमणानंतर म्युकरमायकोसिसचा धोका वाढल्याने चिंतेचे वातावरण आहे. परंतु यावरील शस्त्रक्रियेला घेऊन दिशानिर्देश (गाईडलाईन) नव्हते. परिणामी, उपचार करणे कठीण झाले होते. मध्यभारतातील प्रसिद्ध ईएनटी विशेषज्ञ आणि हेड अ‍ॅण्ड नेक ऑन्कोलॉजीचे संस्थापक राष्ट्रीय अध्यक्ष डॉ. मदन कापरे, डॉ. नीती कापरे आणि नीती क्लिनिकचे डॉक्टर, परिचारिका यांनी मिळून केलेल्या १२९ म्युकरमायकोसिसवरील शस्त्रक्रियेचे विश्लेषण केले. त्या आधारावर शस्त्रक्रियेची गाईडलाईन तयार करण्यात त्यांना यश आले.

‘इंडियन जर्नल ऑफ आटोलॅरिंगोलॉजी’मध्ये (आयजेएलओ) म्युकरमायकोसिसवरील शस्त्रक्रियेची ही गाईडलाईन प्रकाशित झाली आहे. यामुळे नागपूर पुन्हा एकदा गंभीर रोगाच्या उपचाराच्या क्षेत्रात पुढे आले आहे. येथील मानक राष्ट्रीय स्तरावरील सर्जरीच्या पद्धतीसाठी वापरले जाणार आहे. डॉ. मदन कापरे यांनी ‘लोकमत’ला सांगितले, या आजारावरील शस्त्रक्रियेसाठी कोणतेही दिशा-निर्देश नव्हते. यामुळे कान, नाक व घसा (ईएनटी) तज्ज्ञांना शस्त्रक्रिया करताना अडचणीचे जात होते. नीती क्लिनीकमध्ये १२९ शस्त्रक्रिया करण्यात आल्या. यात रुग्णाची शस्त्रक्रिया करणे सुरक्षित आहे का, जर सुरक्षित नसेल तर रुग्णाला कधीपर्यंत शस्त्रक्रियेपासून थांबवून ठेवता येते, जर शस्त्रक्रिया करायची असेल तर कोणत्या पद्धतीने करावी, आदींचा अभ्यास करून शस्त्रक्रियेचे विश्लेषण केले. त्यानंतर त्याची माहिती संकलित करून त्या आधारावर गाईडलाईन तयार करण्यात आली. ‘आयजेएलओ’मध्ये ही गाईडलाईन प्रकाशित झाल्याने राष्ट्रीय स्तरावर याचा उपयोग होणार आहे. लवकरच आंतरराष्ट्रीय जर्नलमध्ये या गाईडलाईन्सलाही प्रकाशित केले जाणार आहे.

-गंभीर रुग्णांची शस्त्रक्रिया कठीण

डॉ. कापरे म्हणाले, कोरोनाचा गंभीर रुग्णांचे फुफ्फुस बºयाच प्रमाणात प्रभावित झालेले असते. यामुळे म्युकरमायकोसिसवरील शस्त्रक्रिया आणखी कठीण होती. काही दिवसांसाठी शस्त्रक्रिया टाळण्याचा प्रयत्नही होतो. म्युकरमायकोसिस वेगाने पसरत असल्यामुळे तातडीने शस्त्रक्रिया करणे गरजेचे असते.