गाईड राेलर चाेरटे गजाआड

लाेकमत न्यूज नेटवर्क

खापरखेडा : कन्व्हेअर प्लांटमधील गाईड राेलर चाेरून नेणाऱ्या सहा चाेरट्यांसह ते विकत घेणाऱ्या दाेन कबाडी दुकानदारांना खापरखेडा (ता. सावनेर) पाेलिसांनी रविवारी (दि. १२) अटक केली. त्यांच्याकडून एकूण २५ लाख ४० हजार रुपये किमतीचा मुद्देमाल जप्त करण्यात आला, अशी माहिती ठाणेदार पुंडलिक भटकर यांनी दिली.

अटक करण्यात आलेल्या चाेरट्यांमध्ये लक्ष्मीनारायण ऊर्फ मुच्छी गरीबा सूर्यवंशी (३६), राजा शंकर सूर्यवंशी (२४), सहेबान ऊर्फ राजू सुकरुल्ला सलमानी (३४), शुभम रमेश वरणकर (२४) सर्व रा. चनकापूर, ता. सावनेर, श्यामलाल धुरणलाल भलावी (३५, रा. दहेगाव रंगारी, ता. सावनेर), कृष्णा ऊर्फ कन्हय्यालाल सूर्यवंशी (२५, रा. सिल्लेवाडा, ता. सावनेर) या चाेरट्यांसह दाेन कबाडी व्यावसायिकांचा समावेश आहे. त्यांची नावे कळू शकली नाही.

खापरखेडा येथे कन्व्हेअर प्लांट सुरू करण्यासाठी येथील स्टाेअर रूममध्ये वेगवेगळ्या आकाराचे कन्व्हेअर गाईड राेलर ठेवले आहेत. चाेरट्याने या स्टाेअर रूममधून दाेन वेगवेगळ्या आकाराचे १२८ नग कन्व्हेअर गाईड राेलर चाेरून नेले. ही बाब लक्षात येताच प्रशांतकुमार बेहरा, रा. भुवनेश्वर, ओडिशा यांनी बुधवारी (दि. ८) पाेलिसात तक्रार दाखल केली हाेती. त्यामुळे पाेलिसांनी भादंवि ४६१, ३८० अन्वये गुन्हा दाखल करून तपासाला सुरुवात केली.

ही चाेरी लक्ष्मीनारायणने केल्याची माहिती मिळताच पाेलिसांनी त्याला रविवारी चनकापूर परिसरातून ताब्यात घेत विचारपूस केली. त्याने गुन्ह्याची माहिती देत साथीदार व कबाडी दुकानदारांची नावे सांगितली. त्यामुळे पाेलिसांनी सर्वांना ताब्यात घेत अटक केली. त्यांच्याकडून २१ लाख ९० हजार रुपये किमतीचे १०७ नग कन्व्हेअर गाईड राेलर व ३ लाख ५० हजार रुपये किमतीचे छाेटे मालवाहू वाहन असा एकूण २५ लाख ४० हजार रुपये किमतीचा मुद्देमाल जप्त केला, अशी माहिती ठाणेदार पुंडलिक भटकर यांनी दिली. ही कारवाई पाेलीस हवालदार उमेश ठाकरे, आशिष भुरे, प्रमाेद भाेयर, नुमान शेख, राजू भाेयर, मुकेश वाघाडे यांच्या पथकाने केली.

...

१२८ कन्व्हेअर गाईड राेलरची चाेरी

या चाेरट्यांनी स्टाेअर रूममधून दाेन वेगवेगळ्या आकाराचे एकूण १२८ नग कन्व्हेअर गाईड राेलर चाेरून नेले. त्या कन्व्हेअर गाईड राेलरची एकूण किंमत २६ लाख ४० हजार रुपये आहे. पाेलिसांनी यातील १०७ नग जप्त केले. चाेरट्यांनी स्टाेअर रूमच्या छताचे टिनपत्रे उचकटून आत प्रवेश केला हाेता. हे गाईड राेलर नेण्यासाठी त्यांनी एमएच-४९/डी-१८२९ क्रमांकाचे मालवाहू वाहन वापरले हाेते. त्यांच्याकडून चाेरीच्या इतर घटना उघड हाेण्याची शक्यता ठाणेदार पुंडलिक भटकर यांनी व्यक्त केली आहे.