दादा, भाऊंच्या गडाला हादरा !

सोळाव्या लोकसभेचा निकाल शुक्रवारी घोषित झाला. त्यात रामटेक लोकसभा मतदारसंघातून काँग्रेसच्या मुकुल वासनिक यांच्यावर भारी पडत शिवसेनेचे कृपाल तुमाने हे १ लाख ७५ हजार ७९१ मतांनी विजयी झाले.

लढाई रामटेकची : कामठीत मारली मुसंडी, रामटेकमध्ये मात्र असमाधानी

 गणेश खवसे - नागपूर

सोळाव्या लोकसभेचा निकाल शुक्रवारी घोषित झाला. त्यात रामटेक लोकसभा मतदारसंघातून काँग्रेसच्या मुकुल वासनिक यांच्यावर भारी पडत शिवसेनेचे कृपाल तुमाने हे १ लाख ७५ हजार ७९१ मतांनी विजयी झाले. २००९ आणि २०१४ च्या निवडणुकीचा विचार करता तुमाने यांना सरासरी १० टक्के मतांची आघाडी मिळाली. यामध्ये सर्वाधिक मतांची आघाडी ही काटोल विधानसभा क्षेत्रातून ३८,४४६ मतांची मिळाली. सर्वात कमी मतांचा फरक हिंगणा मतदारसंघात १६ हजार ९८३ मतांचा राहिला. सुरुवातीपासून काटोल विधानसभा मतदारसंघाने लोकसभेत शिवसेनेला साथ दिली आहे. मागील २००९ च्या निवडणुकीतही येथे ७ हजार ९५ मतांनी शिवसेना पुढे होती. या मतदारसंघाचे राष्टÑवादीचे अनिल देशमुख हे आमदार असून, त्यांना काँग्रेस-राष्टÑवादीच्या उमेदवाराला आघाडी मिळवून देण्यात गेल्यावेळप्रमाणे यावेळीही यश आले नाही. कामठी विधानसभा मतदारसंघात शिवसेनेला भरभक्कम ‘लिड’ मिळाली. सर्वात मोठा मतदारसंघ असलेल्या कामठीतून काँग्रेसला ७१ हजार ८३३ तर, शिवसेनेला १ लाख ७ हजार २५६ मते मिळाली. येथून ३५ हजार ४२३ मतांनी शिवसेना पुढे होती. सावनेर क्षेत्रातून कृपाल तुमाने २९ हजार ९३९ मतांनी तुमाने हे पुढारले. रामटेक विधानसभा क्षेत्रातून शिवसेनेचे आशिष जयस्वाल हे आमदार आहेत. मात्र, पाहिजे तेवढी आघाडी त्यांना शिवसेना उमेदवाराला मिळवून देता आली नाही. सर्वच मतदारसंघात सरासरी १० टक्क्यांची आघाडी असताना या मतदारसंघातून केवळ चार टक्के आघाडी मिळाली. खरेतर रामटेक हा शिवसेनेचा गड आहे. तेथून शिवसेनेला ५० हजारांची आघाडी मिळणे अपेक्षित होते. परंतु, तसे झाले नाही. उमरेड विधानसभा क्षेत्रात शिवसेना उमेदवाराला यावेळी ३१ हजार ४५१ एवढ्या मतांची आघाडी मिळाली. या निवडणुकीसाठी झालेल्या मतदानात १२ टक्क्यांनी वाढ झाली. ती वाढ शिवसेनेसाठी फायदेशीर ठरली. बसपा, सपाची मते वाढली लोकसभेच्या २००९ च्या निवडणुकीपेक्षा बहुजन समाज पक्ष तसेच समाजवादी पक्षाच्या उमेदवारांना मिळालेल्या मतांमध्ये यावेळी मोठी भर पडली. बसपाला ३२८१३ तर सपाला ५६५ मतांचा फायदा यावेळच्या निवडणुकीमध्ये झाला.