‘फ्लाेराईड’मुळे जलस्रोत सील

लाेकमत न्यूज नेटवर्क

रेवराल : निमखेडा (ता. माैदा) येथील बहुतांश जलस्रोतांमधील पाण्यात ‘फ्लाेराईड’ असल्याने तसेच ‘फ्लाेराईड’युक्त पाणी प्यायल्याने ‘फ्लाेराेसीस’ हाेण्याची शक्यता असल्याने गावासाेबतच परिसरातील जलस्रोत सील करण्यात आले आहेत. मात्र, शासन व जिल्हा प्रशासनाने पिण्याच्या पाण्याची काेणतीही प्रभावी साेय न केल्याने स्थानिक नागरिकांना राेज पिण्याच्या पाण्यासाठी पायपीट करावी लागत आहे. ही समस्या गंभीर रूप धारण करीत असून, ती साेडविणार कधी, असा प्रश्नही स्थानिक महिलांनी उपस्थित केला आहे.

निमखेडा हे माैदा तालुक्यातील महत्त्वाच्या माेठ्या गावांपैकी एक असून, या गावाची लाेकसंख्या ५,२०० च्या वर आहे. ग्रामीण भागातील नागरिकांच्या पिण्याच्या पाण्याचा प्रश्न सुटावा म्हणून केंद्र व राज्य शासनाच्या माध्यमातून राबविण्यात येत असलेल्या काही याेजनांद्वारे पाणीपुरवठा याेजनांची निर्मिती केली जाते. मात्र, निमखेडा येथील बहुतांश जलस्रोत ‘फ्लाेराईड’युक्त असल्याने तसेच ते पाणी पिण्यायाेग्य नसल्याने जलस्रोत सील करण्यात आले आहेत.

गावातील पाणीसमस्या साेडविण्यासाठी शासन व प्रशासनाला वारंवार निवेदने व प्रस्ताव सादर केल्याची माहिती सरपंच प्रमाेद बरबटे यांनी दिली. परंतु, यावर अद्यापही सकारात्मक निर्णय घेण्यात आला नाही, असा आराेपही त्यांनी केला. निमखेडा पंचायत समिती सर्कलचे गाव असून, येथे माेठा आठवडी बाजार भरताे. परिसरातील शेकडाे नागरिक या गावात बाजारासह शासकीय व इतर कामांसाठी तसेच विद्यार्थी शिक्षणासाठी नियमित येतात. स्थानिक नागरिकांसाेबत त्यांनाही निमखेडा येथे आल्यानंतर पिण्याच्या पाण्याच्या समस्येला सामाेरे जावे लागते. ही समस्या दिवसेंदिवस उग्र रूप धारण करीत असल्याने ती तातडीने मार्गी लावावी, अशी मागणी सरपंच प्रमाेद बरबटे यांच्यासह महिला व नागरिकांनी केली आहे.

...

‘फ्लाेराेसीस’ हाेण्याची शक्यता

‘फ्लाेराईड’चे प्रमाण या भागातील पाण्यामध्ये अधिक असल्याने ते पिण्यायाेग्य नाही, अशी माहिती आराेग्य विभागाने त्यांच्या अहवालाद्वारे दिली आहे. ‘फ्लाेराईड’युक्त पाणी प्यायल्याने नागरिकांना दात, पाेट व हाडांचा ‘फ्लाेराेसीस’ नामक आजार हाेताे. यात दात व हिरड्यांना कीड लागत असून, शरीरातील हाडे ठिसूळ हाेतात. त्यामुळे हातपाय वाकडे हाेतात. नागरिकांना पाेटदुखी व महिलांसह मासिक पाळीचे आजार जडतात. विशेष म्हणजेे, हे आजार असाध्य असतात.

....

पाण्याची टाकी निरुपयाेगी

गावाला पाणीपुरवठा करण्यासाठी १५ वर्षांपूर्वी पाण्याच्या टाकीचे बांधकाम करण्यात आले, शिवाय पाण्याच्या वितरणासाठी पाईप लाईनदेखील टाकण्यात आली. पाण्यात ‘फ्लाेराईड’ असल्याने तसेच शासनाने वेळीच पर्यायी व्यवस्था न केल्याने पाण्याची टाकी व पाईप लाईन काही वर्षापासून निरुपयाेगी झाली आहे. टाकी व पाईप लाईन जीर्ण हाेत चालली आहे. सध्या गावातील नागरिकांना खागी बाेअरवेल व विहिरीतील पाणी पिण्यासाठी वापरावे लागते, अशी माहिती सरपंच प्रमाेद बरबटे यांच्यासह नागरिकांनी दिली.

.......

जिल्हा खनिकर्म विभागाकडे ही समस्या साेडविण्यासाठी निधी मिळावा म्हणून पाणीपुरवठा याेजनेचा प्रस्ताव सादर केला आहे. या प्रस्तावाला प्रशासनाने अद्यापही मंजुरी दिली नाही. त्यामुळे पाठपुरावा सुरू आहे. जिल्हा प्रशासनाने हा निधी तातडीने मंजूर करवून द्यावा.

- प्रमाेद बरबटे, सरपंच, निमखेडा.