उपयुक्त साधनांद्वारे प्रभावी सिंचन करा

लघु सिंचनाच्या क्षेत्रातील उपयुक्त साधनांचा प्रभावी सिंचनासाठी वापर करून शेतकऱ्यांनी जास्तीत जास्त प्रमाणात सहभाग घ्यावा, असे आवाहन रोहयो आणि जलसंधारण विभागाचे प्रधान सचिव

व्ही. गिरीराज : कार्यशाळेचे आयोजन
नागपूर : लघु सिंचनाच्या क्षेत्रातील उपयुक्त साधनांचा प्रभावी सिंचनासाठी वापर करून शेतकऱ्यांनी जास्तीत जास्त प्रमाणात सहभाग घ्यावा, असे आवाहन रोहयो आणि जलसंधारण विभागाचे प्रधान सचिव व्ही. गिरीराज यांनी केले.
आमदार निवास येथील विदर्भ सघन सिंचन विकास या विषयावरील अभियंता आणि स्वयंसेवी संस्थांच्या कार्यशाळेच्या समारोपानिमित्त आयोजित कार्यक्रमात ते बोलत होते. प्रमुख पाहुणे म्हणून उपसचिव व्ही. सी. वखारे, मुख्य अभियंता दि. दे. पोहेकर, अवर सचिव संदीप नलावडे उपस्थित होते.
सिंचनासाठी उपयुक्त साधनाच्या निर्मिती व्यवस्थेतील दोष दूर करून तसेच योजनांची दुरुस्ती करून शेतकऱ्यांना त्या योजनांचा लाभ व्हावा यासाठी प्रामाणिक प्रयत्न म्हणून या कार्यशाळेचे आयोजन करण्यात आल्याचे व्ही. गिरीराज यांनी सांगितले. विदर्भ सघन सिंचन विकास कार्यक्रमाला स्वयंसेवी संस्थांनी सहकार्य केल्यास विदर्भातील शेती समृद्ध होणार असल्याचे दि. दे. पोहेकर म्हणाले.
यावेळी गटचर्चेच्या चार गटाचे पथक प्रमुख म्हणून शंकर अमिलकंठीवार, पौर्णिमा उपाध्याय, आनंद इंगळे, प्राचार्य अविनाश शिर्के, अभियंता आर. आर. बानुबाकोडे, एकनाथ मापारी, प्रकल्प अधिकारी कि. ए. वरंभे, आशिष नाफडे, राजेंद्र माने, कार्यकारी अभियंता ए. टी. देवगडे, कार्यकारी अभियंता राणे, संध्या एदलाबादकर यांनी धुरा सांभाळली.
यावेळी चित्रकला स्पर्धेतील कोमल माहुले, नूतन कावडकर, मयुरी तडसे यांना व्ही. गिरीराज यांच्या हस्ते पारितोषिक वितरण करण्यात आले. संचालन पी. एस. खोब्रागडे यांनी केले. आभार पद्माकर मलकापूरे यांनी केले. (प्रतिनिधी)