नागपूर : धर्मभास्कर प. पू. सद्गुरूदास महाराज उपाख्य शिवकथाकार विजयराव देशमुख यांचे सायंकाळी ७ वाजून ५ मिनिटांनी हृदयविकाराच्या धक्क्याने निधन झाले. ते ८४ वर्षांचे होते. त्यांच्या निधनामुळे अध्यात्मिक व सामाजिक क्षेत्रावर शोककळा पसरली आहे.
गेल्या काही दिवसांपासून त्यांच्यावर विवेक हॉस्पिटलमध्ये उपचार सुरू होते. मात्र उपचारादरम्यान त्यांची प्रकृती खालावल्याने त्यांनी अखेरचा श्वास घेतला. त्यांच्या निधनाची बातमी समजताच भक्तगण आणि अनुयायांमध्ये शोक व्यक्त केला जात आहे.
सद्गुरूदास महाराज हे शिवकथाकार म्हणून संपूर्ण महाराष्ट्रात परिचित होते. त्यांच्या ओजस्वी वाणीने आणि प्रभावी कथनशैलीने हजारो श्रोत्यांना अध्यात्म, संस्कार आणि समाजसेवेची प्रेरणा दिली. त्यांनी आपल्या प्रवचनांमधून धर्म, राष्ट्रप्रेम आणि सामाजिक एकात्मतेचा संदेश दिला.
छत्रपती सेवा प्रतिष्ठानचे ते संस्थापक होते. तसेच गुरुमंदिर परिवाराचा ते आधारस्तंभ मानले जात होते. त्यांच्या मार्गदर्शनाखाली अनेक धार्मिक, सामाजिक आणि शैक्षणिक उपक्रम राबविण्यात आले. समाजात मूल्याधिष्ठित कार्याची परंपरा त्यांनी जोपासली.
Web Summary : Sadgurudas Maharaj, a renowned Shivkatha narrator, passed away due to a heart attack at 84. Known for his impactful discourses, he inspired thousands with his messages of spirituality, social service, and national unity. His death has brought sorrow to spiritual and social circles.
Web Summary : प्रसिद्ध शिवकथाकार सद्गुरुदास महाराज का 84 वर्ष की आयु में हृदय गति रुकने से निधन हो गया। अपने प्रभावशाली प्रवचनों के लिए जाने जाने वाले, उन्होंने हजारों लोगों को आध्यात्मिकता, समाज सेवा और राष्ट्रीय एकता के संदेशों से प्रेरित किया। उनके निधन से आध्यात्मिक और सामाजिक क्षेत्रों में शोक है।