लोकमत न्यूज नेटवर्कनागपूर : डॉ.बाबासाहेब आंबेडकर आंतरराष्ट्रीय विमानतळावर सोमवारी रात्री विमानाला विलंब झाल्याने प्रवाशांनी गोंधळ केला. ‘गो एअर’च्या विमानाला उशीर झाल्याने हा गोंधळ झाला.‘गो एअर’चे विमान क्रमांक २६०२ नागपूर-मुंबईला जवळपास तीन तासांचा उशीर झाला. याची माहिती प्रवाशांना देण्यात आली तर ते संतप्त झाले. विलंबाचे कारणदेखील स्पष्ट करण्यात आले नव्हते. त्यामुळे नाराज प्रवाशांनी ‘एअरलाईन्स’च्या कर्मचाऱ्यांवर राग काढला. या विमानात नागपूरहून मुंबईला जाणारे १७४ प्रवासी होते.इंजिनमध्ये होती समस्यासूत्रांनी दिलेल्या माहितीनुसार विमानाच्या इंजिनमध्ये काही तरी समस्या निर्माण झाली होती. तर विमानतळाच्या अधिकृत सूत्रांनुसार ‘ऑपरेशनल’ कारणांमुळे विमानाला विलंब झाला. मुंबईत धावपट्टीचे काम सुरू असल्याने विमानाला उशीर झाला असेदेखील काही जणांनी सांगितले. दरम्यान रात्री ८ वाजेनंतर विमान मुंबईकडे रवाना झाले.आठ विमानांना विलंबसोमवारी डॉ.बाबासाहेब आंबेडकर आंतरराष्ट्रीय विमानतळावर येणाऱ्या व येथून उड्डाण भरणाºया एकूण आठ विमानांना विलंब झाला. इंडिगो एअरलाईन्सचे ६ई-२८४ पुणे-नागपूर रात्री १२.५५ ऐवजी २.३७ वाजता आले. तर ६ई-३१२ बेंगळुरू-नागपूर रात्री ८.४० ऐवजी रात्री ९.२० वाजता आले. ६ई-४०३ मुंबई-नागपूर विमान दुपारी चार ऐवजी ५.२५ वाजता ‘लॅन्ड’ झाले. तर ‘गो एअरलाईन्स’चे जी८-२५१९ दिल्ली-नागपूर विमान सायंकाळी ७.२० ऐवजी रात्री ८.४५ ला पोहोचले.तर जी८-८११ नागपूर-बंगळुरू विमान सकाळी ६ ऐवजी ९ वाजता रवाना झाले. ६ई-३१७ नागपूर-बंगळुरू विमान सकाळी १०.५० ऐवजी १२.०५ ला गेले. ६ई-५७१ नागपूर-चेन्नई विमान दुपारी १.३० ऐवजी दुपारी २.५८ ला रवाना झाले. तर ‘गो एअरलाईन्स’चे २५२० नागपूर-दिल्ली विमान रात्री ९.२५ ऐवजी रात्री १०.५० ला उडाले.
विमानाला विलंब, नागपुरात प्रवाशांचा गोंधळ
By लोकमत न्यूज नेटवर्क | Published: November 12, 2019 12:59 AM