नगरसेवकाने फाइंल आपटली, नाराज आयुक्त निघून गेले....जोड

देणीचा अहवाल सादर करा

तत्कालीन आयुक्त तुकाराम मुंढे यांनी सुरुवातील ८०० कोटींची देणी असल्याचे सांगितले होते. नंतर २१०० कोटींचे दायित्व असल्याचे सांगितले होते. तर आयुक्त राधाकृष्णन बी. यांनी ७०० कोटींची देणी असल्याचे सांगितले. यामुळे मनपाला नेमकी किती देणी द्यावयाची आहे. याचा बिलाच्या माहितीसह लेखाजोखा ४ जानेवारीपर्यत सादर करण्याचे निर्देश वित्त विभागाला विजय झलके यांनी दिले.

....

प्रभागातील विकास कामे व्हावी

वर्षभरापासून प्रभागातील विकास कामे ठप्प आहेत. नगरसेवकांना नागरिकांच्या रोषाला सामोरे जावे लागत आहे. आर्थिक अडचण दरवर्षीच होती. परंतु विकास कामे सुरू होती. प्रभागातील आवश्यक विकास कामे व्हावी, हीच नगरसेवकांची भावना असून ती रास्त असल्याचे विजय झलके यांनी सांगितले.

..........

वादाची ठिणगी तर नाही ना ?

कार्यादेश झालेल्या फाईल रोखल्यावरून पदाधिकारी व तत्कालीन आयुक्त तुकाराम मुंढे यांच्यात वादाची ठिगणी पडली होती.

वाद विकोपाला गेला होता. मुंढे यांची बदली झाल्यानंतर पदाधिकारी व आयुक्तांतील वाद संपुष्टात येईल. अशी अपेक्षा होती. मात्र बुधवारी स्थायी समितीच्या बैठकीतून आयुक्त निघून गेल्याने पदाधिकारी व आयुक्तांतील वादाला पुन्हा सुरुवात झाल्याचे संकेत आहेत.