भंडारा, चंद्रपूर व वाशिम जिल्ह्यात वाढला कोरोनाचा वेग

नागपूर : विदर्भात मार्च महिन्याच्या सुरुवातीपासून अमरावती विभागातील पाचही जिल्ह्यांमध्ये कोरोना रुग्णसंख्येचा वेग वाढला होता. सध्या या विभागात रुग्णसंख्या स्थिर झाल्याचे दिसून येत असताना, आता नागपूर विभागात झपाट्याने रुग्णसंख्या वाढताना दिसून येत आहे. विशेषत: नागपूरनंतर भंडारा जिल्ह्यात रुग्णसंख्येचा उच्चांक गाठला जात आहे. चंद्रपूर व वाशिम जिल्ह्यातही कोरोनाचा संसर्ग वाढत चालला आहे. रविवारी ७,४५२ रुग्ण, ९१ मृत्यूची नोंद झाली. या वर्षातील मृत्यूचा हा उच्चांक आहे. यातील ५८ रुग्णांचे बळी एकट्या नागपुरातील आहेत. शिवाय, ३,९७० बाधित रुग्ण आढळून आले. बुलडाणा जिल्ह्यात ८३५ रुग्ण व ५ रुग्णांच्या मृत्यूची नोंद झाली. भंडारा जिल्ह्यात ४३९ रुग्ण व २ मृत्यू, यवतमाळ जिल्ह्यात ४०० रुग्ण व ९ मृत्यू, अकोला जिल्ह्यात ३७६ रुग्ण व ३ मृत्यू, वाशिम जिल्ह्यात ३७७ रुग्ण व २ मृत्यू, अमरावती जिल्ह्यात ३४८ रुग्ण व ३ मृत्यू, चंद्रपूर जिल्ह्यात ३४१ रुग्ण व ३ मृत्यू तर वर्धा जिल्ह्यात ३०३ रुग्ण व ६ मृत्यूची नोंद झाली. गोंदियात रविवारी या वर्षांतील सर्वाधिक रुग्ण पॉझिटिव्ह आले.

जिल्हा : रुग्ण : ए. रुग्ण : मृत्यू

नागपूर : ३९७० : २,१८,८२० : ५८ :

गडचिरोली : ५६ : १०,४९० : ००

चंद्रपूर : ३४१ : २७,२६५ : ०३

गोंदिया : १०७ : १५,६३३ : ००

भंडारा : ४३९ : १६,७८९ : ०२

वर्धा : ३०३ : १,८१,२९२ : ०६

अमरावती : ३४८ : ४८,०२७ : ०३

यवतमाळ : ४०० : २७,५५१ : ०९

वाशिम : ३७७ : १५,२७३ : ०२

अकोला : ३७६ : २७,२०० : ०३

बुलडाणा : ७३५ : ३५,८७० : ०५