कंटेन्मेंट झोन फलक ना रक्षक

सर्वकाही सुरळीत : संक्रमण कसे थांबणार?

लोकमत न्यूज नेटवर्क

नागपूर : कोरोनाच्या पहिल्या लाटेत नागपुरात अधिक रुग्ण असलेल्या भागांना हॉटस्पॉट घोषित करून कंटेन्मेट झोन घोषित करण्यात आले होते. कंटेन्मेंट झोन घोषित करताना टीन लावून परिसर सील करून पोलीस बंदोबस्त लावला जात होता. अत्यावश्यक सेवाशिवाय या क्षेत्रातील नागरिकांना घराबाहेर पडता येत नव्हते; परंतु यावेळी शहरात गृहविलगीकरणात ५१२१३ रुग्ण आहेत. तर १४९७३ रुग्ण विविध रुग्णालयात उपचार घेत आहेत. शहराच्या सर्वच भागात कमी अधिक प्रमाणात रुग्ण आहेत; परंतु अधिक रुग्ण असलेल्या १५७ भागांना कंटेन्मेंट झोन जाहीर करण्यात आले आहे. काही ठिकाणी परिसर सील करण्यात आला; परंतु येथे पूर्वीसारखा पोलीस बंदोबस्त नाही.

राज्य सरकारने चेन ब्रेक करण्यासाठी निर्बंध अधिक कठोर केले आहेत. त्यासाठी कंटेन्मेंट झोन निर्माण करण्याच्या सूचना दिल्या आहेत. मोठ्या प्रमाणात पाॅझिटिव्ह रुग्ण असलेल्या भागात दोन्ही बाजूला टिन लावून रस्ता बंद केला जात आहे. काही भाग खुला ठेवला जात आहे. येथे सुरक्षा रक्षक नसल्याने नागरिक बिनधास्त फिरत आहेत. गृहविलगीकरणात असलेल्यांकडे लोकांची ये-जा सुरू असल्याने संक्रमणाचा धोका कायम आहे.

....

झोननिहाय कंटेन्मेंट झोन

लक्ष्मीनगर - २३

ध्रमपेठ २८

हनुमाननगर २३

धंतोली २६

नेहररूनगर ८

गांधीबाग ११

सतरंजीपुरा १२

लकडगंज १९

आसीनगर १४

मंगळवारी ११

एकूण १७५