लोकमत न्यूज नेटवर्कनागपूर : राफेल घोटाळा आणि पेट्रोल-डिझेल-गॅस दरवाढ याविरोधात कॉंग्रेससह विरोधी पक्षांनी पुकारलेल्या ‘भारत बंद’ला नागपुरात संमिश्र प्रतिसाद मिळाला. तान्हा पोळा व मारबत मिरवणूक यामुळे शहरातील मुख्य बाजारपेठ दुपारपर्यंत बंदच होती. परंतु शहरातील इतर भागात विविध ठिकाणी निदर्शनांच्या माध्यमातून इंधन दरवाढीचा विरोध करण्यात आला. अनेक ठिकाणी कॉंग्रेस-राष्ट्रवादीच्या कार्यकर्त्यांनी एकत्रितपणे सरकारी धोरणांचा निषेध केला.सकाळी ११ नंतर शहरातील अनेक चौकांमध्ये निदर्शने करण्यात आली. शहरातील विविध भागांमध्ये कार्यकर्त्यांकडून विरोध प्रदर्शन करण्यात आले. काही कार्यकर्त्यांनी यावेळी प्रतिकात्मक रथयात्रा काढत बंदमध्ये सहभाग नोंदविला. शिवाय व्यापाऱ्यांना या बंदमध्ये सहभागी होण्याचे आवाहन करण्यात आले. कॉंग्रेसचे राष्ट्रीय सरचिटणीस मुकुल वासनिक, अ.भा. कॉंग्रेस कमेटीच्या ‘एससी सेल’चे अध्यक्ष नितीन राऊत, माजी खासदार विलास मुत्तेमवार, माजी मंत्री राजेंद्र मुळक, कॉंग्रेसचे शहराध्यक्ष विकास ठाकरे यांच्या नेतृत्वात सकाळच्या सुमारास पदयात्रा काढण्यात आली.शहरातील आॅटोचालक संघटनादेखील बंदमध्ये सहभागी झाल्या होत्या. सर्वात महत्त्वाचे म्हणजे शहरात बंददरम्यान कुठलाही अनुचित प्रकार घडून आला नाही. शहरात जागोजागी पोलिसांचा चोख बंदोबस्त होता.अनेक पेट्रोल पंप बंददरम्यान, शहरातील पेट्रोल पंपवर बंदचा परिणाम दिसून आला. सकाळच्या सुमारास शहरातील सर्वच पेट्रोल पंप सुरू होते. मात्र दुपारनंतर बरेच पेट्रोल पंप बंद ठेवण्यात आले. दक्षिण नागपूर, उत्तर नागपूर व मध्य नागपुरात सर्वात जास्त पेट्रोल पंप बंद होते.प्रतिकात्मक रथाच्या माध्यमातून निषेधपूर्व नागपुरात कॉंग्रेसचे प्रदेश प्रवक्ते अतुल लोंढे यांच्या नेतृत्वात प्रतिकात्मक रथाच्या माध्यमातून शासनाच्या धोरणांचा निषेध करण्यात आला. इंधनवाढीमुळे जनता बेजार झाली असून पुर्वीप्रमाणे घोडागाडी, सायकलवर जाण्याची वेळ आली आहे, अशी लोंढे यांनी प्रतिक्रिया दिली.‘सपा’तर्फे निदर्शने‘भारत बंद’मध्ये समाजवादी पक्षाचे कार्यकर्तेदेखील सहभागी झाले होते. इंदोरा, मानकापूर, अनंतनगर, गिट्टीखदान इत्यादी भागात कार्यकर्त्यांनी व्यापाºयांना दुकाने बंद करण्याचे आवाहन केले. तसेच सरकारविरोधात निदर्शने केली. विदर्भ प्रमुख अफजल फारुक यांच्या नेतृत्वात झालेल्या आंदोलनात जंगबहादुर यादव, एस.बी. अहमद, शकील अहमद, आदर्श सिंह ठाकूर, शकील सलमान, शमीम भाई, कलाम भाई, इमरान खान, रवी चौहान, अजीम पटेल, हरीश भाई, नवेद शेख, सूरज काळे इत्यादी कार्यकर्ते सहभागी झाले होते.राष्ट्रवादी काँग्रेसदेखील बंदमध्ये सक्रिय‘भारत बंद’मध्ये राष्ट्रवादी काँग्रेसचादेखील उत्स्फूर्त सहभाग दिसून आला. आ.प्रकाश गजभिये यांच्या नेतृत्वात पश्चिम नागपुरात निदर्शने करण्यात आली. रविनगर चौक, रामनगर चौक, शंकरनगर चौक, लॉ कॉलेज चौक, बर्डी, वाडी इत्यादी भागात फिरून कार्यकर्त्यांनी ‘भारत बंद’मध्ये सहभागी होण्याचे नागरिकांना आवाहन केले. भाजपा-शिवसेना सरकार सर्वच आघाड्यांवर अयशस्वी ठरले आहे. राज्यात महागाई, बेरोजगारी, भ्रष्टाचार आणि अपराध वाढले आहेत, असा आरोप यावेळी गजभिये यांनी केला. यावेळी संतोष नरवाडे, शोएब असद, विजय गजभिये, अब्दुल शाहिद, गौरव शाहू, पंकज बोंद्रे, हर्षद बोंद्रे, दत्ताजी वानखेड़े, ईश्वर चव्हाण, सुनील सेलोकर, अजय मेश्राम, भूपेंद्र सनेश्वर इत्यादी मोठ्या संख्येत सहभागी होते.पूर्व नागपूरपूर्व नागपुरात काँग्रेसचे प्रदेश प्रवक्ते अतुल लोंढे यांच्या नेतृत्वात काही ठिकाणी कार्यकर्त्यांनी रस्त्यांवर ठिय्या आंदोलन केले. त्यामुळे काही काळ वाहतूक खोळंबली होती. सोबतच अनेक कार्यकर्त्यांनी पेट्रोल पंप, दुकाने, शोरुम बंद करण्याची व्यावसायिक प्रतिष्ठानांना विनंती केली. वर्धमान नगरात कॉंग्रेसच्या कार्यकर्त्यांनी ‘बाईक रॅली’ काढून ‘भारत बंद’मध्ये सहभागी होण्याचे व्यापाºयांना आवाहन केले. कॉंग्रेसचे उमाकांत अग्निहोत्री व राष्ट्रवादीचे दुनेश्वर पेठे यांच्या नेतृत्वात ही ‘बाईक रॅली’ निघाली. वर्धमाननगरातून सुरू झालेली ही ‘रॅली’ आंबेडकर चौक, टेलिफोन एक्स्चेंज चौक, सुभाष पुतळा चौक, छापरूनगर, नेहरूनगर, एचबी टाऊन, पारडी, देशपांडे ले- आऊट या मार्गाने गेली व हिवरीनगरात समापन झाले.‘रॅली’त एम.एम.शर्मा, केदार साहू, नेमीचंद सनोडिया, पुरुषोत्तम लोणारे, नीलेश धरमठोक, जीतू साहू, बबलू टेकाम, छोटू भगत, शेख एहफाज, राजेश जिराफे, लालचंद हिरवानी, अविनाश साहू, किशन बघेल, हरीश रामटेके इत्यादी सहभागी झाले होते. अभिजित वंजारी यांच्या नेतृत्वातदेखील कार्यकर्त्यांनी बंदमध्ये सहभाग नोंदविला. सकाळी ९.३० वाजताच सेंट्रल एव्हेन्यू, टेलिफोन एक्स्चेंज चौक, नंदनवन, जगनाडे चौक, सतरंजीपुरा, दहीबाजार पूल, शांतीनगर, कळमना, गुलमोहर नगर, पारडी, देशपांडे ले आऊट, वर्धमाननगर इत्यादी भागांमध्ये फिरून कार्यकर्त्यांनी नागरिकांना बंदमध्ये सहभागी होण्याचे आवाहन केले. तसेच सरकारविरोधात निदर्शने केली.पश्चिम नागपूरपश्चिम नागपुरात विविध ठिकाणी काँग्रेस, राष्ट्रवादी काँग्रेस, मनसेतर्फे विविध ठिकाणी आंदोलन करण्यात आले. रामनगर, धरमपेठ परिसरात काँग्रेसतर्फे पदयात्रा काढण्यात आली. यात काँग्रेसचे अनेक मोठे नेते सहभागी झाले होते. गोकुळपेठ, धरमपेठ परिसरात मनसेतर्फे निदर्शने करण्यात आली. मनसेचे प्रदेश सरचिटणीस हेमंत गडकरी यांच्या नेतृत्वात आंदोलन करण्यात आले. यावेळी शहराध्यक्ष अजय ढोके व विशाल बडगे, प्रशांत निकम, घनशाम निखाडे पिंटू बिसेन, शशांक गिरडे, महेश माने, महेश जोशी, मंदार वैद्य,मनीषा पापडकर, आदित्य दुरुगकर, सुधीर बोरीकर, नितीन कुरंजेकर, रोहित कडू पाटील,योगेश सोनावणे, अभय व्यवहारे, राजेंद्र पुराणिक, राजू पत्राळे, गौरव पुरी, शुभम पिंपळापुरे, निखिल झाडे, अक्षय दहीकर, दुर्गेश साकुळकर, सुनील गवई, श्याम रहांगडाले, लाला ससाणे, पवन कोलते, मोहित देसाई,अभिषेक माहुरे, प्रवीण बावणे आंदोलनात सहभागी झाले होते. राष्ट्रवादी काँग्रेसच्या कार्यकर्त्यांनीदेखील पश्चिम नागपुरात अनेक ठिकाणी निदर्शने केली.तीन बसेस फोडल्या
उपराजधानीत ‘भारत बंद’ला संमिश्र प्रतिसाद
By लोकमत न्यूज नेटवर्क | Updated: September 10, 2018 22:33 IST
राफेल घोटाळा आणि पेट्रोल-डिझेल-गॅस दरवाढ याविरोधात कॉंग्रेससह विरोधी पक्षांनी पुकारलेल्या ‘भारत बंद’ला नागपुरात संमिश्र प्रतिसाद मिळाला. तान्हा पोळा व मारबत मिरवणूक यामुळे शहरातील मुख्य बाजारपेठ दुपारपर्यंत बंदच होती. परंतु शहरातील इतर भागात विविध ठिकाणी निदर्शनांच्या माध्यमातून इंधन दरवाढीचा विरोध करण्यात आला. अनेक ठिकाणी कॉंग्रेस-राष्ट्रवादीच्या कार्यकर्त्यांनी एकत्रितपणे सरकारी धोरणांचा निषेध केला. सकाळी ११ नंतर शहरातील अनेक चौकांमध्ये निदर्शने करण्यात आली. शहरातील विविध भागांमध्ये कार्यकर्त्यांकडून विरोध प्रदर्शन करण्यात आले. काही कार्यकर्त्यांनी यावेळी प्रतिकात्मक रथयात्रा काढत बंदमध्ये सहभाग नोंदविला.
उपराजधानीत ‘भारत बंद’ला संमिश्र प्रतिसाद
ठळक मुद्देविरोधकांकडून ठिकठिकाणी निदर्शनेअनेक ठिकाणी बाजारपेठा बंद, शांततामय पद्धतीने इंधनवाढीचा निषेधशहर बससेवा प्रभावित, तीन बसेस फोडल्या