वडील व भावाची हत्या करून मुलाची आत्महत्या

कौटुंबिक वादातून एका मुलाने आपले वडील व सख्ख्या लहान भावाची हत्या करून त्यानंतर आत्महत्या केल्याचा धक्कादायक प्रकार गोंदिया येथे घडला.

ऑनलाइन टीम

गोंदिया, दि. ९ - कौटुंबिक वादातून एका मुलाने आपले वडील व सख्ख्या लहान भावाची हत्या करून त्यानंतर आत्महत्या केल्याचा धक्कादायक प्रकार घडला आहे. गोंदियातील सुंदरनगर येथे राहणा-या गणेश मदन मिश्रा (वय २५) याने बुधवारी सकाळी वडील मदन चिमण मिश्रा ( वय ५०) व लहान भाऊ विकास मेश्राम हे झोपलेले असताना त्यांची लोखंडी रॉडने हत्या केली. त्यानंतर त्यांने स्वत:च्या खोलीत जाऊन गळाफास लाऊन घेत आत्महत्या केली. 

गणेश व त्याच्या पत्नीचा काही दिवसांपासून वाद सुरू होता, त्यामुळे त्याची पत्नी माहेरी निघून गेली होती. याच कारणावरून गणेशचा त्याच्या वडिलांशीही भांडण झाल व रागाच्या भरात त्याने वडील व भावाला ठार मारले व त्यानंतर स्वत:चेही जीवन संपविले.