ठळक मुद्देकळमना वस्तीतील दुर्दैवी घटना
लोकमत न्यूज नेटवर्कनागपूर : भिंत अंगावर पडून एका पाच वर्षीय चिमुकल्याचा मृत्यू झाला. कळमना पोलीस ठाण्याच्या हद्दीत गुरुवारी सायंकाळी ही करुणाजनक घटना घडली. जोमा नासिम सलमानी (वय ५ वर्षे) असे मृत चिमुकल्याचे नाव आहे.सलमानी कुटुंबीय कळमना वस्ती, नाका नंबर ४ जवळच्या नागराज झोपडपट्टीत राहतात. चिमुकला जोमा गुरुवारी सायंकाळी ५. १५ च्या सुमारास त्याच्या शेजारच्या मुलांसोबत घराजवळ खेळत होता. अचानक आशिष सपकाळ यांच्या घराची भिंत अंगावर पडल्याने जोमाच्या डोक्याला गंभीर दुखापत झाली. मुलांनी आरडाओरड केल्याने शेजारची मंडळी धावून आली. जोमाच्या कुटुंबीयांनी त्याला मेयोत दाखल केले. तेथे डॉक्टरांनी जोमाला मृत घोषित केले. याप्रकरणी कळमना पोलिसांनी अकस्मात मृत्यूची नोंद केली. पुढील तपास सुरू आहे. या घटनेमुळे परिसरात हळहळ व्यक्त केली जात आहे.