वजनमाप चाेरणाऱ्या चाैघांना अटक

लाेकमत न्यूज नेटवर्क

कन्हान : वेकाेली काेळसा खाणीच्या स्टाेअर रूममधून वजनमाप चाेरून नेणाऱ्या चाैघांना स्थानिक गुन्हे शाखेच्या पथकाने अटक केली. त्यांच्याकडून प्रत्येकी २० किलाे वजनाचे २५ नग वजनमाप व ऑटाे असा एकूण १ लाख ८० हजार रुपये किमतीचा मुद्देमाल जप्त केला. ही कारवाई शनिवारी (दि. ११) दुपारी कन्हान (ता. पारशिवनी) परिसरात करण्यात आली.

अटक करण्यात आलेल्या आराेपींमध्ये राधे मेश्राम (२२), शुभम राऊत (२०), अजय गौतम (२९) तिघेही रा. कन्हान, ता. पारशिवनी व सोनू साहू (१९, रा. कळमना वस्ती, नागपूर) या चाैघांचा समावेश आहे. कन्हान लगतच्या वेकाेलीच्या ओसीएम कोळसा खाणीच्या स्टोअर रूममधून २५ नग वजनमाप चाेरीला गेल्याचा प्रकार गुरुवारी (दि. ९) रात्री घडला असून, शुक्रवारी (१०) सकाळी उघड झाला. त्यामुळे कन्हान पाेलिसांनी गुन्हा दाखल केला. या प्रकरणाचा कन्हान पाेलिसांसाेबतच स्थानिक गुन्हे शाखेच्या पथकाने समांतर तपासाला सुरुवात केली.

या प्रकरणात स्थानिक गुन्हे शाखेच्या पथकाने सुरुवातीला राधे, शुभम व अजयला ताब्यात घेत चाैकशी सुरू केली. त्यांनी गुन्ह्याची कबुली देताच साेनूला ताब्यात घेत चाैघांना अटक केली. त्यांच्याकडून प्रत्येकी २० किलाे वजनाचे २५ नग वजनमाप व एमएच-४०/बीएफ-०२३६ क्रमांकाचे मालवाहू वाहन असा एकूण १ लाख ८० हजार रुपयांचा मुद्देमाल जप्त केला, अशी माहिती स्थानिक गुन्हे शाखेचे पाेलीस निरीक्षक अनिल जिट्टावार यांनी दिली.

ही कारवाई स्थानिक गुन्हे शाखेचे सहायक पोलीस निरीक्षक अनिल राऊत, सहायक फाैजदार साहेबराव बहाळे, वीरेंद्र नरड, विनोद काळे, नाना राऊत, शैलेश यादव, सत्यशील कोठारे, प्रणय बनाफर यांच्या पथकाने केली. या घटनेचा पुढील तपास कन्हान पाेलीस करीत आहेत.