चाैघांना भिलाई येथून अटक

लाेकमत न्यूज नेटवर्क

कामठी : विशाल चरण धुर्वे, रा. चित्तरंजन नगर, झोपडपट्टी, कामठी याला काहींनी शनिवारी (दि. १७) रात्री मारहाण केल्याने ताे गंभीर जखमी झाला हाेता. त्याचा शनिवारी (दि. २४) सकाळी नागपूर येथील मेडिकल हाॅस्पिटलमध्ये मृत्यू झाला. त्याच्या खूनप्रकरणात कामठी (नवीन) पाेलिसांनी चार आराेपींना भिलाई (छत्तीसगड) येथून रविवारी अटक केली.

अटक करण्यात आलेल्या आराेपींमध्ये गगन नागराज थूल (२६), अक्षय ऊर्फ दादू राजू गडकरी (२२), शिवम प्रकाश उके (२१) व शेख जाकीर शेख साबिर (२२) सर्व रा. चित्तरंजन नगर, झोपडपट्टी, कामठी यांचा समावेश आहे. यातील तिघांनी अवैध धंद्यातील भांडणातून विशालला जबर मारहाण केली हाेती. त्यात गंभीर जखमी झाल्याने त्याला मेडिकल हॉस्पिटलमध्ये भरती केले हाेते. तिथे त्याचा उपचारादरम्यान मृत्यू झाला.

दरम्यान, या प्रकरणात खुनाचा गुन्हा नाेंदवून आराेपीस अटक करण्यात यावी, अशी मागणी त्याच्या कुटुंबीयांनी ठाणेदार विजय मालचे यांच्याकडे केली हाेती. त्यांनी आश्वासन दिल्यानंतर कुटुंबीयांनी खुनाचा गुन्हा नाेंदविण्याची मागणी रेटून धरत विशालचा मृतदेह स्वीकारण्यास नकार दिला हाेता. त्यामुळे पेच निर्माण झाला हाेता. तत्पूर्वी पाेलिसांनी आराेपींच्या शाेधात पथकही रवाना केले हाेते. पाेलिसांनी चारही आराेपीस भिलाई येथे अटक करून कामठीला आणले.

याप्रकरणी कामठी (नवीन) पाेलिसांनी भादंवि ३०२, १४३, १४७, १४८, १४९ अन्वये गुन्हा नाेंदविला आहे. ही कामगिरी दुय्यम पोलीस निरीक्षक मंगेश काळे, सहायक पोलीस निरीक्षक सुरेश कन्नाके, हेड कॉन्स्टेबल पप्पू यादव, मंगेश लांजेवार, मनोहर राऊत, प्रमोद वाघ, ललित शेंडे, नीलेश यादव, सुरेंद्र शेंडे, संदीप गुप्ता, उपेंद्र यादव, राजा टाकळीकर, सुधीर कनोजिया, अनिल बाळराजे यांच्या पथकाने केली.