शहरं
Join us  
Trending Stories
1
पुणे अपघात प्रकरणात राजकारण करणं किंवा पोलिसांना दोषी धरणं चुकीचं: देवेंद्र फडणवीस
2
निकालानंतर उद्धव ठाकरे पुन्हा भाजपासोबत जातील?; शरद पवारांचं मोठं विधान
3
बुद्धिबळपटू तनिषा बोरामणिकरने बारावीत मिळवले १०० टक्के; पुढचे टार्गेट CA, त्यानंतर UPSC
4
फडणवीस अचानक पुण्याच्या पोलीस आयुक्तालयात धडकले; अपघात प्रकरणी कारवाईचा धडाका?
5
लातूरची 'लेक'! जिद्द ना सोडली झेप घेतली आकाशी; प्रतीक्षा काळे यांचा प्रेरणादायी प्रवास
6
“काँग्रेसवर खूप दबाव, उद्धव ठाकरेंमुळे पक्ष सोडावा लागला”; मिलिंद देवरांचा मोठा गौप्यस्फोट
7
महिलांसाठी धोक्याची घंटा; तुमची ‘ही’ सवय ठरू शकते हार्ट अटॅकचं कारण, वेळीच व्हा सावध
8
पुणे अपघात: आमदाराने पोलिसांवर दबाव आणल्याचा आरोप, ३ दिवसांनंतर अजित पवार ॲक्शन मोडवर!
9
"क्रिकेटनं खूप काही दिलंय म्हणून...", टीम इंडियाच्या प्रशिक्षक पदासाठी हरभजन इच्छुक
10
नरेंद्र मोदी यांचा राजकीय उत्तराधिकारी कोण असेल? चर्चांना पंतप्रधानांनी दिला पूर्णविराम; म्हणाले...
11
"मी स्वबळावर राजकारणात येईन…", रॉबर्ट वाड्रा यांचं मोठं विधान
12
खळबळजनक! ‘या’ शहरातून गायब होताहेत लोकांच्या बायका अन्...; 23 दिवसांत 14 जण बेपत्ता
13
IPL 2024 Playoffs Qualifier 1 KKR vs SRH: क्वालिफायर सामन्याआधी उडाली खळबळ, स्टेडियमच्या आत-बाहेर सुरक्षा व्यवस्थेत वाढ, प्रकरण काय?
14
हेमंत सोरेन अन् अरविंद केजरीवाल यांची प्रकरणे वेगवेगळी; ईडीचा सुप्रीम कोर्टात जामिनाला विरोध
15
Gold Price Today : सोनं-चांदी खरेदी करणाऱ्यांसाठी खुशखबर! सोन्याचे दर पुन्हा घसरले
16
महेंद्रसिंग धोनी आम्हाला कळवेल...! कॅप्टन कूलच्या निवृत्तीच्या चर्चांवर CSK ने दिले महत्त्वाचे अपडेट्स
17
PM मोदींच्या वक्तव्यानंतर सरकारी कंपन्यांच्या शेअरमध्ये तेजी, कोल इंडियाबाबत ब्रोकरेज बुलिश, म्हणाले...
18
T20 WC 2024: "रिंकू एकमेव खेळाडू आहे जो...", 'भज्जी'ने टीम इंडियासाठी सांगितली रणनीती
19
Closing Bell: शेअर बाजाराचं मार्केट कॅप $५ ट्रिलियन पार; मेटल शेअर्समध्ये तेजी, बँक-आयटी घसरले
20
हिंदी सोडा 'या' साऊथ अभिनेत्याकडे आहे कोट्यवधींची संपत्ती, बुर्ज खलिफामध्ये फ्लॅट अन्...

सुकामेवा खाऊन साजरी करा दिवाळी : किमतीत २५ टक्क्यांपर्यंत घसरण

By लोकमत न्यूज नेटवर्क | Published: October 30, 2020 9:35 PM

Diwali, dried fruits, prices declined, Napur News दिवाळीपूर्वी सुकामेव्याच्या किमतीत मोठी घसरण झाली असून त्याचा फायदा खरेदीदारांना मिळत आहे. त्यामुळे काजू, बदाम, पिश्ता, आक्रोड यांचे दर गेल्या वर्षीच्या तुलनेत २५ टक्क्यांपर्यंत कमी झाले आहेत.

ठळक मुद्देकाजू, बदाम, पिश्ता, आक्रोडचे दर परवडणारे

लोकमत  न्यूज  नेटवर्क

नागपूर : दिवाळीपूर्वी सुकामेव्याच्या किमतीत मोठी घसरण झाली असून त्याचा फायदा खरेदीदारांना मिळत आहे. त्यामुळे काजू, बदाम, पिश्ता, आक्रोड यांचे दर गेल्या वर्षीच्या तुलनेत २५ टक्क्यांपर्यंत कमी झाले आहेत.

दर कमी झाल्याने यंदाच्या दिवाळीत सुकामेव्याच्या विक्रीत वाढ होण्याचा अंदाज विक्रेत्यांनी व्यक्त केला आहे. दिवाळीत अनेकजण भेट स्वरूपात मिठाईऐवजी सुकामेव्याच्या पॅकिंगचा जास्त उपयोग करीत आहेत. ही प्रथा दिवसेंदिवस वाढतच आहे. त्यामुळे विक्रीला बळ मिळत आहे. कोरोना काळात निरोगी आरोग्यासाठी सामान्यांनीही सुकामेव्याची खरेदी केल्याने उठाव चांगला होता. तेव्हा दर जास्त होते. एक महिन्यापासून सुकामेव्याचे दर कमी होत आहेत. बदाम अमेरिकेतून तर पिश्ता व आक्रोड इराक व अन्य देशातून येतात. सध्या या देशांमध्ये स्थिती चांगली नसून इराकच्या चलनात घट झाली आहे. त्याचा परिणाम म्हणून भाव घसरले आहेत. सर्वाधिक घसरण काजू, बदाम आणि पिश्ता यात झाली असून प्रति किलो ३०० रुपयांपर्यंत घट झाल्याचे दिसून येत आहे.

सुकामेव्याचा सर्वाधिक वापर मिठाई, हॉटेल, लग्नसमारंभात होतो. कोरोनामुळे हॉटेल्सचा व्यवसाय खूपच कमी झाला आहे. विवाहदेखील कमी होत आहेत. मिठाईचा वापरही कमी झाला आहे. याशिवाय आईस्क्रीममध्ये जास्त उपयोग होतो. पण यंदा कोरोनामुळे उन्हाळ्यात आईस्क्रीमची विक्री लक्षणीय कमी झाल्याने सुकामेव्याला उठाव कमी होता. त्याचा परिणाम भाव घसरणीवर झाल्याचे विक्रेत्यांनी स्पष्ट केले.

महावीर मेवावालाचे संचालक अरुण व अतुल कोटेचा म्हणाले, अमेरिकन बदाम प्रति किलो ९०० रुपयांवरून ६०० ते ७०० रुपये, काजू १००० रुपयांवरून ७०० ते ८०० रुपये, पिश्ता १२०० रुपयांवरून ९०० रुपये, अंजीर ११०० रुपयांवरून ९०० रुपये, आक्रोड १२०० रुपयांवरून १००० रुपये आणि किसमिसचे दर दर्जानुसार २०० ते ४०० रुपये किलो आहेत. यंदा भाव कमी झाल्याचा फायदा दिवाळीत होणार आहे. सुकामेव्याच्या पॅकिंगला मागणी राहणार आहे. पॅकिंगचा व्यवसाय १५ दिवसांपूर्वीच सुरू झाला आहे.

मंत्री ट्रेडर्सचे संचालक गोविंद मंत्री म्हणाले, सुकामेव्याचे दर कमी झाल्याचा फायदा दिवाळीत सामान्यांना होणार आहे. यंदा विक्री वाढणार आहे. मिठाई घेण्याऐवजी सुकामेव्याचे बॉक्स खरेदीवर लोकांचा भर वाढला आहे. आता कॉर्पोरेट क्षेत्रात सुकामेव्याचे बॉक्स भेट स्वरूपात देण्याचा कल वाढला आहे. यंदा परवडणाऱ्या किमतीत ग्राहकांना खरेदीची संधी आहे.

टॅग्स :DiwaliदिवाळीMarketबाजार