रेती वाहतुकीचा ट्रक पकडला

लाेकमत न्यूज नेटवर्क

कामठी : पाेलिसांनी रेतीची विना राॅयल्टी वाहतूक करणारा ट्रक पकडला. त्यात चालकास अटक करण्यात आली असून, मालकाविरुद्ध गुन्हा नाेंदविण्यात आला. ही कारवाई कामठी (नवीन) पाेलीस ठाण्याच्या हद्दीतील कामठी-कळमना मार्गावर गुरुवारी (दि. २४) दुपारी २ वाजताच्या सुमारास करण्यात आली.

कामठी (नवीन) पाेलिसांचे पथक गस्तीवर असताना त्यांना कामठी-कळमना मार्गावर एमएच-४०/बीएल-७८३३ क्रमांकाचा ट्रक येताना दिसला. संशय आल्याने पाेलिसांनी हा ट्रक थांबवून झडती घेतली. त्या ट्रकमध्ये रेती असल्याचे निदर्शनास येताच कागदपत्रांची कसून तपासणी केली. त्यात ती रेती विना राॅयल्टी असल्याचे स्पष्ट हाेताच पाेलिसांनी ट्रकचालक अनिल रामराव राऊत (२६, रा. बालाजी नगर, साबळे ले-आऊट, येरखेडा, ता. कामठी) यास अटक केली. त्याच्याकडून ट्रक आणि साडेसात ब्रास रेती जप्त केली. याप्रकरणी ट्रकचालकासह ट्रक मालक रमेश कारेमाेरे (५६, रा. रनाळा राेड, न्यू येरखेडा, ता. काटाेल) याच्याविरुद्ध भादंवि ३७९, ४२०, ४०६, ३४ अन्वये गुन्हा दाखल करण्यात आला आहे. शिवाय, ट्रकचालकास न्यायालयाने दाेन दिवसांची पाेलीस काेठडी सुनावली आहे, अशी माहिती तपास अधिकारी तथा पाेलीस उपनिरीक्षक विनायक आसटकर यांनी दिली. ही कारवाई बीट मार्शल पंकज गुप्ता व संदेश शुक्ला यांच्या पथकाने केली.