महापालिका अधिकारी, कर्मचाऱ्यांची कॅन्सर जनजागृती रॅली

गुरुवारी सकाळी मुख्य कार्यकारी अधिकारी भुवनेश्वरी एस., महापालिकेचे अप्पर आयुक्त राम जोशी, अप्पर आयुक्त संजय निपाणे, उपद्रव शोध पथकाचे जवान, डॉक्टर, अधिकारी, कर्मचाऱ्यांनी आकाशवाणी चौकापासून महापालिका मुख्यालयापर्यंत सायकल रॅली काढली. रॅलीत उपायुक्त डॉ. प्रदीप दासरवार, अधीक्षक अभियंता मनोज तालेवार, डॉ. नरेंद्र बहिरवार, डॉ. संजय चिलकर, सहायक आयुक्त महेश धामेचा, डॉ. विजय जोशी, प्रमुख अग्निशमन अधिकारी राजेंद्र उचके, क्रीडा अधिकारी पीयूष आंबुलकर, उपद्रव शोध पधकाचे प्रमुख वीरसेन तांबे, नांगिया स्पेशालिटी हॉस्पिटलचे अधीक्षक डॉ. सुहास चौधरी, ऑन्कोलॉजिस्ट डॉ. रोशन जेकब, डॉ. धनंजय बोकारे आणि डॉ. अंकिता उपाध्याय यांनी भाग घेतला. या वेळी मुख्य कार्यकारी अधिकारी भुवनेश्वरी एस. यांनी सांगितले की, कॅन्सरप्रति मोठ्या प्रमाणात जनजागृती करणे आवश्यक आहे. नागरिकांनी आपल्या जीवनशैलीकडे लक्ष पुरवावे. तंबाखू, मादक पदार्थांच्या सेवनापासून दूर राहण्याचे आवाहन त्यांनी केले. अप्पर आयुक्त राम जोशी म्हणाले, महिन्यातून एक वेळा सायकलने कार्यालयात येण्याचा निर्णय घेण्यात आला आहे. जागतिक कॅन्सर दिनानिमित्त सर्व अधिकारी, कर्मचारी पुन्हा एकदा सायकलने कार्यालयात आले आहेत. कॅन्सर या आजाराकडे गंभीरपणे पाहण्याची गरज आहे. डॉ. जेकब यांनी ‘आय अ‍ॅम, आय विल’ ही या वर्षी कॅन्सर दिनाची संकल्पना असल्याचे सांगून सुरुवातीच्या काळात कॅन्सरचे निदान झाल्यास कॅन्सरपासून बचाव करणे शक्य होत असल्याची माहिती दिली.

...............