ओबीसी आरक्षावरून भाजप-काँग्रेस आमने-सामने

भाजपचा चक्काजाम तर काँग्रेसची ब्लॉक स्तरावर निदर्शने

लोकमत न्यूज नेटवर्क

नागपूर : ओबीसी आरक्षण रद्द करण्यात आल्याच्या विरोधातील आंदोलनाच्या माध्यमातून भाजप-काँग्रेस आमने-सामने आल्याचे चित्र रविवारी नागपुरात बघायला मिळाले. भाजपने व्हेरायटी चौकात विधानसभेतील विरोधीपक्षनेते देवेंद्र फडणवीस यांच्या नेतृत्वात चक्काजाम आंदोलन केले. ओबीसी आरक्षण रद्द होण्याला राज्यातील महाविकास आघाडी सरकार जबाबदार असल्याचा हल्लाबोल भाजप नेत्यांनी केला. तर काँग्रेसचे शहर अध्यक्ष आमदार विकास ठाकरे यांच्या नेतृत्वात संविधान चौकात तसेच् शहरात ब्लाॅक स्तरावर निदर्शने करण्यात आली. ओबीसी आरक्षण रद्द होण्याला केंद्र सरकारच जबाबदार असल्याचा घणाघात करण्यात आला. आरक्षणाच्या मुद्यावरून आरोप-प्रत्यारोप होत असल्याने शहरातील राजकीय वातावरण चांगलेच तापले आहे.

...

आरक्षण द्या, नाहीतर खुर्च्या खाली करा

संपूर्ण देशात ओबीसी आरक्षण कायम असताना केवळ महाविकास आघाडीच्या नाकर्तेपणामुळे महाराष्ट्रातील ओबीसींचे आरक्षण रद्द झालेले आहे. एकतर ओबीसी आरक्षण द्या, नाहीतर खुर्च्या खाली करा, आरक्षण जोवर पूर्ववत होत नाही, तोवर हा संघर्ष असाच रस्त्यावर दिसत राहील, असा इशारा देवेंद्र फडणवीस यांनी दिला. यावेळी खासदार डॉ. विकास महात्मे, माजी मंत्री चंद्रशेखर बावनकुळे, महापौर दयाशंकर तिवारी, शहर अध्यक्ष आमदार प्रवीण दटके, कृष्णा खोपडे,मनपातील सत्तापक्षनेते अविनाश ठाकरे यांनी महाविकास आघाडी सरकारवर हल्लाबोल केला.

व्यासपीठावर माजी आमदार सुधाकर देशमुख, गिरीश व्यास,विकास कुंभारे,माजी आमदार सुधाकर देशमुख,डॉ मिलिंद माने,अशोक मेंढे,प्रदेश सचिव धर्मपाल मेश्राम,अर्चना डेहनकर,नंदा जिचकार,बाल्या बोरकर,रमेश चोपडे, स्थायी समिती अध्यक्ष प्रकाश भोयर, गोपाल बोहरे,कामिल आंसारी, नाना उमाटे, भोजराज डुम्बे, अश्विनी जिचकार,मुन्ना यादव, दिव्या धुरडे, परिणिता फुके,घनश्याम चौधरी,सुधाकर बैतुले, संजय चौधरी,संजय अवचट,प्रमोद पेंडके,संजय बंगाले,राम आम्बुलकर, सुनील मित्रा,किशोर वानखेडे, विनोद कन्हेरे, किशोर पलांदुरकर,देवेन दस्तूरे,नीता ठाकरे, राजेश हातिबेड यादी उपस्थित होते.