लोकमत न्यूज नेटवर्कनागपूर : एकतर्फी प्रेमातून एका आरोपीने सहकाऱ्यांच्या मदतीने भर वस्तीत तरुणाचा गळा कापून जीव घेण्याचा प्रयत्न केला. नंदनवन पोलिस ठाण्याच्या हद्दीत ही घटना घडली.
नॅव्ही देवेंद्र रामटेके (२१, नंदनवन झोपडपट्टी) असे जखमीचे नाव आहे. तो शिक्षण घेत आहे. सहा महिन्यांपासून त्याची एका तरुणीशी मैत्री आहे. संबंधित तरुणी अगोदर संकेत वंजारी (२४, कवेलू क्वॉर्टर्स, नंदनवन) याची मैत्रीण होती. मात्र त्याच्यासोबत वाद होत असल्याने तिने संपर्क तोडला. मात्र संकेत सातत्याने तिच्या मागे लागत होता व त्याला ती नॅव्हीसोबत बोलते हे पटत नव्हते. त्यावरून त्याने अनेकदा फोनवर तिला धमकीदेखील दिली होती. २४ नोव्हेंबर रोजी त्याने रात्री १० वाजता नॅव्हीला फोनवर धमकी दिली. तसेच त्याचा मित्र वैभव अशोक तान्नेलवार (३०, वृंदावननगर, नंदनवन) याने त्याला शिवीगाळ करत जीवे मारण्याची धमकी दिली.
रात्री पावणेअकरा वाजता नॅव्ही केडीके कॉलेज मार्गावर मित्रांसोबत उभा होता. तेव्हा तेथे संकेत दोन साथीदारांसोबत पोहोचला व शिवीगाळ करत नॅव्हीला मारहाण केली. काही वेळातच वैभवदेखील पोहोचला व आज याचा खूनच करू, असे म्हणत संकेतच्या हातात चाकू दिला. त्याच्या सांगण्यावरून संकेतने नॅव्हीच्या गळ्यावर चाकूने वार केले. नॅव्हीच्या गळ्यातून रक्त वाहू लागले व त्याच्या किंकाळ्या ऐकून वस्तीतील लोकांनी धाव घेतली. तेव्हा आरोपी तेथून फरार झाले. नॅव्हीला मेडिकलमध्ये दाखल करण्यात आले. त्याच्या तक्रारीवरून संकेत, वैभव यांच्यासह आणखी दोन आरोपींविरोधात गुन्हा दाखल करण्यात आला आहे.
Web Summary : In Nagpur, a jilted lover, aided by accomplices, attacked his ex-girlfriend's friend, Navy Ramteke, due to jealousy. The assailant, angered by the victim's friendship with his former girlfriend, stabbed him in the neck. Police have registered a case against the attackers.
Web Summary : नागपुर में, एक ईर्ष्यालु प्रेमी ने साथियों की मदद से अपनी पूर्व प्रेमिका के दोस्त, नेवी रामटेके पर हमला किया। आरोपी, पीड़िता की अपनी पूर्व प्रेमिका के साथ दोस्ती से नाराज़ था, और उसने उसे गर्दन में चाकू मार दिया। पुलिस ने हमलावरों के खिलाफ मामला दर्ज कर लिया है।