एटीएम फाेडणारे दाेघे अटकेत

लाेकमत न्यूज नेटवर्क

वाडी : ‘एटीएम’ फाेडून त्यातील रक्कम चाेरून नेणाऱ्या टाेळीतील दाेघांना पकडण्यात वाडी पाेलिसांना यश आले. इतरांना लवकरच अटक करण्यात येणार असल्याचा विश्वास ठाणेदार प्रदीप सूर्यवंशी यांनी व्यक्त केला असून, अटकेतील आराेपींकडून एकूण ७० हजार रुपये किमतीचा मुद्देमाल जप्त केल्याचेही त्यांनी स्पष्ट केले. ही कारवाई शुक्रवारी (दि. १०) मध्यरात्री २.३० वाजताच्या सुमारास वडधामना परिसरात करण्यात आली.

इरफान वकीलखॉं पठाण (वय २९, रा. वडधामना, वाडी) व जमिलउद्दीन नूरउद्दील शेख (२६, रा. बजरंग लेआउट, हसनबाग, खरबी, नागपूर) अशी अटकेतील आराेपींची नावे आहेत. वाडी पाेलिसांचे पथक वडधामना परिसरात गस्तीवर असताना त्यांना या दाेघांसह अन्य एकजण इंडिकॅशच्या एटीएममधून निघाले आणि एमएच-३१/सीएम-५६४३ क्रमांकाच्या कारने पळून जात असल्याचे निदर्शनास आले. पाेलिसांनी त्या एटीएमची पाहणी केली असता, त्यांना मशीन फाेडली असल्याचे लक्षात आले. त्यामुळे त्यांनी लगेच त्या कारचा पाठलाग करीत नियंत्रण कक्षाला माहिती दिली.

या पथकाने दाेघांना हिंगणा परिसरातून ताब्यात घेत अटक केली. मात्र, तिघांपैकी एकाला अंधाराचा फायदा घेत पळून जाण्यात यश आले. या आराेपींकडून टिकाव, लोखंडी हातोडी, लोखंडी छन्नी, चाकू व कार असा एकूण ७० हजार रुपये किमतीचा मुद्देमाल जप्त केला. या प्रकरणी वाडी पाेलिसांनी गुन्हा नाेंदवून तपास सुरू केला आहे. ही कारवाई पोलीस उपनिरीक्षक साजिद अहेमद, गणेश मुंढे यांच्या पथकाने केली.

...

बॅरिकेट्स ताेडले

नियंत्रण कक्षाकडून माहिती मिळताच पाेलिसांनी ठिकठिकाणी नाकाबंदी करून मार्गावर बॅरिकेट्स लावले हाेते. एमआयडीसीचे पाेलीस उपनिरीक्षक ठाकूर यांना एमएच-३१/सीएम-५६४३ क्रमांकाची कार दिसली. त्यांनी ही कार थांबविण्याचा प्रयत्न केला असता, चालकाने वेग वाढवून बॅरिकेट्स उडविले व संगम राेडच्या दिशेने पळ काढला. याच मार्गावर कारमधील दाेघांना ताब्यात घेण्यात आले, तर एकजण पळून गेला.