लोकमत न्यूज नेटवर्कनागपूर : नागपूर येथील शैक्षणिक संस्थेत शिक्षण घेत असलेल्या आजी सैनिक, माजी सैनिक पाल्यांना सवलतीच्या दरात व माजी सैनिक विधवांच्या पाल्यांना मोफत निवास आणि भोजनाची सुविधा उपलब्ध आहे. ३१ मेपर्यंत प्रवेशासाठी अर्ज भरता येणार आहे.
माजी सैनिकी मुलांची वसतीगृह क्षमता ६० व माजी सैनिकी मुलींची वसतीगृह क्षमता ७० आहे. ज्या आजी सैनिक, माजी सैनिक, माजी सैनिक विधवांच्या पाल्यांना या वसतिगृहात प्रवेश घ्यावयाचा आहे त्यांनी माजी सैनिकी मुलांचे-मुलींचे वसतीगृह, हिस्लॉप कॉलेज जवळ, सिव्हील लाईन्स, नागपूर येथून ५० रूपयाचा प्रवेश अर्जाचा फॉर्म व माहिती पुस्तिका घेऊन ३१ मे पर्यंत माजी सैनिक ओळखपत्र, गुणपत्रिका व शैक्षणिक संस्थेत प्रवेश घेतलेल्या संस्थेच्या दाखल्याच्या छायांकित प्रतिसह माजी सैनिकी मुला-मुलींच्या वसतिगृहात जमा करावे, असे आवाहन जिल्हा सैनिक कल्याण अधिकारी डॅा. शिल्पा खरपकर यांनी केले आहे.