आजी-माजीमध्ये रंगणार सामना

कु णबीबहुल परंतु दलित, तेली, माळी व मुस्लिम अशा सर्व जातींचा कमी अधिक प्रमाणात समावेश

नागपूर : कु णबीबहुल परंतु दलित, तेली, माळी व मुस्लिम अशा सर्व जातींचा कमी अधिक प्रमाणात समावेश असलेल्या प्रभाग ३२ मध्ये निवडणूक अटीतटीची होणार आहे. कुणालीही विजय सोपा नाही. उपमहापौर सतीश होले, नगरसेविका निमिषा शिर्के , राजू नागुलवार, नयना झाडे, दीपक कापसे, सीमा राऊ त, सत्यभामा लोखंडे व किशोर गजभिये अशा आठ नगरसेवकांच्या प्रभागाचा भाग कमी अधिक प्रमाणात या प्रभागात आला आहे. माजी नगरसेवक अशोक काटले, दीपक चौधरी, संदीप गवई, सतीश देऊ ळकर निवडणुकीच्या रिंगणात उडी घेण्यास इच्छूक आहे. आरक्षण व आघाडी बिघडल्याने गेल्यावेळी अशोक काटले यांची संधी हुकली होती. यावेळी आरक्षणामुळे उमेदवारी न मिळाल्यास त्यांच्या पत्नी जया या राष्ट्रवादी काँगे्रसकडून निवडणूक लढण्यास इच्छूक आहेत. काँग्रेसच्या नगरसेविका नयना झाडे व त्यांचे पती संजय झाडे कामाला लागले आहेत. प्रभाग ३२ मध्ये सतीश होले यांच्या विद्यमान प्रभागातील बजरंगनगर, जवाहर नगर, खानखोजेनगर असा ७५ टक्के प्रभाग आला आहे. परंतु ते प्रभाग ३१ मधून निवडणूक लढण्याच्या तयारीत आहेत. गेल्यावेळी काँग्रेसची उमेदवारी न मिळाल्याने त्यांनी अपक्ष उमेदवार म्हणून निवडणूक लढविली होती. राष्ट्रवादीकडून राजू नागुलवार यांना सर्वसाधारण प्रवर्गातून उमेदवारी मिळाल्यास ओबीसी महिला गटातून जया काटले निवडणूक लढण्यास इच्छूक आहेत. राष्ट्रवादीचे शहर कार्याध्यक्ष प्रवीण कुंटे यांच्या पत्नी मीना कुंटे संधी मिळाल्यास लढतील. गेल्यावेळी संधी हुकलेले काँग्रेसचे सतीश देऊळकर पुन्हा नशीब अजमावण्यास इच्छूक आहेत. काँग्रेसकडून नयना झाडे इच्छूक असून उमेदवारी न मिळाल्यास त्यांचे पती संजय झाडे रिंगणात उतरू शकतात. भाजपचे शहर अध्यक्ष सुधाकर कोहळे यांचे विश्वासू भाजपच्या दक्षिण मंडळाचे अध्यक्ष संजय ठाकरे प्रभाग ३४ मधून लढणार होते. परंतु आरक्षणामुळे त्यांची या प्रभागातील संधी हुकली आहे. त्यामुळे त्यांनी प्रभाग ३२ मधून सर्वसाधारण प्रवर्गातून दावेदारी केली आहे. परंतु भाजपकडून लढण्यासाठी माजी नगरसेवक दीपक चौधरी यांनीही दंड थोपटले आहे. आता भाजप कुणाला उमेदवारी देणार याकडे लक्ष लागले आहे. विविध संघटनात कार्यरत असलेले दिलीप सूरकर यांनी भाजपच्या उमेदवारीसाठी प्रयत्न चालविले आहेत. माजी नगरसेवक संदीप गवई दहा वर्षानंतर पुन्हा एकदा या प्रभागातून कमबॅक करण्याच्या विचारात असून अनुसूचित जाती प्रवर्गातून लढण्यास इच्छूक आहेत. याच प्रवर्गातून भाजपतर्फे अभय गोटेकर इच्छूक आहे. ओबीसी महिला गटातून मंगला मस्के यांच्या नावाची चर्चा आहे. राष्ट्रवादीतफें या प्रवर्गातून विलास ठाकरे इच्छूक आहे. भाजपकडून सुनील मानेकर, परशु ठाकूूर, गजानन तांबोळी अशी इच्छुकांची गर्दी आहे. निवडणुकीसाठी इच्छूक असलेल्या वजनदार उमेदवारांची यादी बघता भाजपचा कस लागणार आहे. पक्षातर्फे काहींना आधीच तयारीला लागण्याचे संकेत देण्यात आले आहेत. त्यामुळे उमेदवारी निश्चित झाल्यानंतरच या प्रभागातील लढतीचे चित्र स्पष्ट होणार आहे. अजनी पोलीस स्टेशनपासून मानेवाडा, अयोध्यानगर, मानेवाडा चौक तर रिजरोड टी पॉर्इंट व मानेवाडा चौकापर्यंत विस्तार आहे. जुना जवाहरनगर वॉर्ड, अयोध्यानगर, बजरंगनगर, ज्ञानेश्वर नगर वॉर्डाचा भाग या प्रभागात समाविष्ट करण्यात आला आहे. या प्रभागाला जोडण्यात आलेल्या रघुजीनगर प्रभागातून गेल्यावेळी अपक्ष सतीश होले, भाजपचे प्रकाश ठाकरे व राष्ट्रवादीतर्फे अशोक काटले यांनी निवडणूक लढविली होती. होले यांना ७०६१ मते मिळाली होती. ठाकरे यांना ३५३६ तर काटले यांना ३२८० मते मिळाली होती. याच प्रभागातून काँग्रेसच्या निमिषा शिर्के विजयी झाल्या होत्या. त्यांना ४९८०मते तर अपक्ष मंगला मस्के यांना ४९२२ मते मिळाली होती. शिर्के यांचा ५८ मतांनी विजय झाला होता. अयोध्यानगर प्रभागाचा संपूर्ण भाग नवीन प्रभागात आला आहे. या प्रभागातून राष्ट्रवादीचे राजू नागुलवार, काँग्रेसच्या नयना झाडे विजयी झाल्या होत्या. नागुलवार यांना ५७१६ मते मिळाली होती. त्यांचे प्रतिस्पर्धी भाजपचे बळवंत जिचकार यांना ५२०७ मते मिळाली होती. मनसेचे प्रमोद हिवरे यांनी १२४० मते घेतली होती. झाडे यांना ६१६८ मते मिळाली होती. भाजपच्या रुपाली सिंग यांना ५७०७ मते मिळाली होती. बिडीपेठ प्रभागाचाही काही भाग या प्रभागाला जोडण्यात आला आहे. या प्रभागातून काँग्रेसचे दीपक कापसे, व राष्ट्रवादीच्या सीमा राऊ त विजयी झाल्या होत्या. कापसे यांना ५५०३ मते मिळाली होती. त्यांचे प्रतिस्पर्धी भाजपचे दीपक चौधरी यांना ४१६३ मते मिळाली होती. अपक्ष उमेदवार अजय बुग्गेवार यांना १९७३, अपक्ष संगीता बनाफर यांना २००६ तर अपक्ष श्रीकांंत सातफळे यांना १५०२ मते मिळाली होती. भाजपच्या स्नेहल बिहारे यांना ५१९२ मते मिळाली होती. अपक्ष सविता लोंदासे यांना १७१४ , लोकभारतीच्या मालती मामीडवार यांना ११४७ मते तर बसपाचे वैशाली उंबरकर यांना १२२२ मते मिळाली होती. महापालिका निवडणुकीत काँग्रेस-राष्ट्रवादी काँग्रेस यांच्यात आघाडी झाल्यास दोन्ही पक्षात जागांवरुन रस्सीखेच होईल. सर्वसाधारण प्रवर्गातून एक जागा काँग्रेसला तर एक राष्ट्रवादीला मिळण्याची शक्यता आहे. अशा वेळी राष्ट्रवादीतून कुणाला संधी मिळणार हे आताच सांगता येणार नाही. परंतु या प्रभागात विद्यामान व माजी नगरसेवकांत अटीतटीचा सामना होणार आहे. अपक्ष उमेदवारांची संख्याही मोठ्या मोठ्या प्रमाणात राहण्याची शक्यता आहे.