‘बुद्धिस्ट सर्किट’ साठी ७०७ कोटींचा आराखडा

लाखो बौद्ध अनुयायांचे श्रद्धास्थान असलेले दीक्षाभूमी, कामठीचे ड्रॅगन पॅलेस व शांतिवन चिचोली ही तीनही स्थाने

दीक्षाभूमी-ड्रॅगन पॅलेस-शांतिवन एकमेकांना जोडणार : विकास आराखडा शासनाकडे प्रस्तावित
नागपूर : लाखो बौद्ध अनुयायांचे श्रद्धास्थान असलेले दीक्षाभूमी, कामठीचे ड्रॅगन पॅलेस व शांतिवन चिचोली ही तीनही स्थाने एकमेकांना जोडून तयार होणाऱ्या ७०७ कोटी रुपयांच्या बुद्धिस्ट सर्किट प्रकल्पाला शुक्रवारी पालकमंत्री चंद्रशेखर बावनकुळे यांच्या अध्यक्षतेखालील जिल्हा समितीने शासनाकडे प्रस्तावित करण्यासाठी मान्यता दिली. या तीनही क्षेत्राचा पर्यटनस्थळ म्हणून विकास करण्यात येणार आहे. विभागीय आयुक्त कार्यालयात पालकमंत्री बावनकुळे यांनी आज बैठक घेतली. या बैठकीला माजी राज्यमंत्री अ‍ॅड. सुलेखा कुंभारे, आमदार सुधाकर देशमुख, सुधाकर कोहळे, आशिष देशमुख, मल्लिकार्जुन रेड्डी, सुनील केदार, विभागीय आयुक्त अनुप कुमार, जिल्हाधिकारी सचिन कुर्वे, मनपा आयुक्त श्रावण हर्डीकर, नासुप्र सभापती डॉ. म्हैसेकर व अन्य उपस्थित होते.दीक्षाभूमी ‘अ’वर्ग पर्यटन स्थळाच्या विकासासाठी व येथे येणाऱ्या अनुयायांच्या सोयीसाठी ३२५ कोटींचा आराखडा प्रस्तावित करण्यात आला. या विकास आराखड्याची जबाबदारी नासुप्रकडे सोपवण्यात आली आहे.