विदर्भात वीज कर्मचाऱ्यांची ३६९६ पदे रिक्त

लोकमत न्यूज नेटवर्क

नागपूर : विदर्भात महावितरणच्या तृतीय व चतुर्थ श्रेणीचे ३६९६ पदे रिक्त आहेत. अशा परिस्थितीत व्यवस्थापनाकडून वीज बिल थकबाकी वसुलीसाठी कर्मचाऱ्यांना धमकावले जात असल्याने महाराष्ट्र स्टेट इलेक्ट्रिसिटी वर्कर्स फेडरनेशनने याचा विरोध केला आहे. रिक्त पदांमुळे कर्मचाऱ्यांवर कामाचा प्रचंड ताण आहे. असे असतानाही थकबाकी वसुलीचे लक्ष्य पूर्ण न झाल्यास कारवाई करण्याचे आदेश देण्यात आले असल्याचे आम्ही याचा विरोध करीत असल्याचे संघटनेचे म्हणणे आहे.

कंपनीचे प्रादेशिक संचालकांनी थकबाकी वसुलीमध्ये निष्काळजी केल्यास कठोर कारवाई करण्यात येईल, असे जाहीर केले आहे. फेडरेशनचे अध्यक्ष मोहन शर्मा यांनी याचा विरोध केला आहे. त्यांचे म्हणणे आहे की, मनुष्यबळाची कमतरता असूनही मार्च २०२१ पासून आतापर्यंत ८५४५ कोटी रुपयाची वसुली झाली. विदर्भात मागील दोन-तीन वर्षांपासून ३६९६ पदे रिक्त आहेत. परंतु व्यवस्थापन याकडे लक्ष देत नाही आहे. आधीच कर्मचाऱ्यांवर वीजपुरवठा व्यवस्थित व्हावा, याचा भर आहे. यातच थकबाकी वसुलीसाठीही दबाव टाकला जात आहे. एकेका कर्मचाऱ्यांवर १२ गावांची जबाबदारी देण्यात आली आहे.

बॉक्स

वीज कनेक्शन कापण्यासाठी स्वतंत्र पथक असावे

वीज कर्मचाऱ्यांवरील दबाव कमी व्हावा, यासाठी वीज कनेक्शन कापण्याच्या कामासाठी वेगळे पथक असावे, अशी मागणी फेडरेशनने केली आहे. यासोबतच लेखा, मानव संसाधन व ऑडिट विभागातील कर्मचाऱ्यांना थकबाकी वसुलीच्या मोहिमेत सहभागी न होण्याचे आवाहन करण्यात आले आहे. तांत्रिक कर्मचाऱ्यांनाही वसुलीसाठी एकटे न जाण्यास सांगण्यात आले आहे.