३५ कोटींच्या खोट्या व्यवहारात

\Sडीजीजीआय नागपूर युनिटची कारवाई : बनावट बिलाच्या आधारे ३.५१ कोटींचे इनपुट कॅश क्रेडिट

नागपूर : बनावट बिलावर आयकर विवरणाच्या उपलब्धतेच्या विशिष्ट माहितीच्या आधारे जीएसटी गुप्तचर संचालनालयाच्या (डीजीजीआय) नागपूर विभागीय युनिटच्या अधिकाऱ्यांनी १९ नोव्हेंबरला पेंट, सिमेंट आणि लोह व स्टील उत्पादनांची विक्री करणाऱ्या नागपूर स्थित ट्रेडिंग फर्मवर कारवाई करून संचालकाला अटक केली.

ट्रेडिंग फर्मच्या संचालकाने ३५ कोटींच्या खोट्या व्यवहारात बनावट बिलाच्या आधारे ३.५१ कोटींचे इनपुट कॅश क्रेडिट घेतल्याचे चौकशीत आढळून आले. ही ट्रेडिंग फर्म अस्तित्त्वात नाही आणि दिलेल्या पत्त्यावर एक प्रिंटिंग प्रेस कार्यरत आहे. त्याला त्या ट्रेडिंग फर्मच्या नावाने व शैलीने कोणत्याही घटकाची माहिती नव्हती. ट्रेडिंग फर्मचा मालक अखेरीस शोधण्यात आला आणि त्याला अटक केली गेली. चौकशीच्या सुरुवातीच्या काळात संचालकाने ट्रेडिंग फर्मशी कोणताही संबंध असल्याचा नकार दिला. संबंधित कागदपत्रांची सविस्तर तपासणी केल्यास पुढील तपशील मिळाला. ज्यातून अटक केलेली व्यक्ती वास्तविक बनावट ट्रेडिंग कंपनीचा मालक असल्याचे सिद्ध झाले.

जीएसटीएनवर संचालकाचे छायाचित्र अपलोड केले आहे, शिवाय जीएसटीएनवर घोषित केलेल्या संचालकाचा आधार क्रमांक आणि जीएसटीएनवर संचालकाचा पॅन घोषित केला आहे. तसेच जीएसटीएनवर घोषित केलेल्या संचालकाने रहिवासी पत्ताही टाकला आहे. त्या आाधारे या ट्रेडिंग कंपनीने एकूणच फसव्या २.७५ कोटींच्या आयकर विवरणाचा लाभ घेतला आणि तो पुढे पाठविला. बारकाईने चौकशी केल्यानंतर छत्तीसगड येथील अस्तित्त्वात नसलेल्या कंपन्यांनी जारी केलेल्या बनावट पावत्याच्या बळावर लाभ घेतल्याचे निष्पन्न झाले.