नागपुरातील रघुजीनगरात २.३० लाखाची घरफोडी

घराला लागलेले कुलूप तोडून अज्ञात चोरट्यांनी रघुजीनगर क्वॉर्टर नंबर २/१३५ येथे घरफोडी करून २ लाख ३२ हजार रुपयांचा मुद्देमाल चोरून नेला. शुक्रवारी दुपारी १ ते १.४५ वाजताच्या सुमारास ही घटना घडली.

लोकमत न्यूज नेटवर्कनागपूर : घराला लागलेले कुलूप तोडून अज्ञात चोरट्यांनी रघुजीनगर क्वॉर्टर नंबर २/१३५ येथे घरफोडी करून २ लाख ३२ हजार रुपयांचा मुद्देमाल चोरून नेला. शुक्रवारी दुपारी १ ते १.४५ वाजताच्या सुमारास ही घटना घडली. तक्रारकर्ते कुणाल विनायकराव गाढवे (३६ ) हे त्यांच्या कामाच्या ठिकाणी गेले होते. तर त्यांची पत्नी व वडील हे बँकेत खाते काढण्यासाठी रेशीमबाग येथे गेले होते. त्यांनी घराच्या मुख्य दरवाजाला सेफ्टी लॉक तसेच दरवाजाला बाहेरून स्टीलचा लॉक लावला होते. अज्ञात चोरट्यांनी त्यांच्या घराचे मुख्य दाराला लावलेले कुलूप व सेफ्टी लॉक तोडून आत प्रवेश केला. घरातील लाकडी कपाटामध्ये सोन्याचे दागिने व ९५ हजार रुपये रोख असा एकूण २ लाख ३२ हजार रुपयांचा मुद्देमाल चोरून नेला. या प्रकरणी सक्करदरा पोलिसांनी अज्ञात आरोपींविरुद्ध घरफोडीचा गुन्हा नोंदविला आहे.