मास्क न वापरणाऱ्या १४५ नागरिकांना दंड

नागपूर : नागपूर महापालिकेच्या उपद्रव शोध पथकाचे जवानांनी बुधवारी मास्क शिवाय फिरणाऱ्या बेजबाबदार १४५ नागरिकांविरुध्द कारवाई केली. त्यांच्याकडून ७२ हजार ५०० रुपयांचा दंड वसूल केला. यासर्र्वाना मास्क देण्यात आले. मागील काही महिन्यात शोध पथकांनी ३१२०२ नागरिकांविरुध्द कारवाई करुन आतापर्यंत १ कोटी ३९ लाख ६० हजरांचा दंड वसूल केला आहे.

बुधवारी शोध पथकाव्दारे लक्ष्मीनगर झोन अंतर्गत ३६, धरमपेठ २५, हनुमाननगर १५, नेहरुनगर ६, गांधीबाग ६, सतरंजीपुरा ३, लकडगंज ९, आशीनगर २३, मंगळवारी १९ आणि मनपा मुख्यालयात ३ जणांविरुध्द ही कारवाई करण्यात आली. पथकाचे प्रमुख विरसेन तांबे यांच्या मार्गदर्शनात करण्यात आली. ५०० रुपये प्रमाणे आतापर्यंत १ कोटी २८ लक्ष ६६ हजार वसूल करण्यात आले आहे.

नागरिकांना कोरोनापासून बचाव करण्यासाठी मास्क लावणे, सामाजिक अंतराचे पालन करणे, हात स्वच्छ धुणे अशा सूचना नागपूर मनपा व्दारे वारंवार केली जात आहे. नागरिकांनी त्याचे पालन करावे असे आवाहन केले आहे.