यंदा झाला रेकॉर्ड ब्रेक मान्सून

देशभरात ठिकठिकाणी मान्सूनचा धिंगाणा सुरू असून, आता मान्सून कोकण आणि गोव्यातही विक्रम नोंदविण्याच्या मार्गावर आहे.

- सचिन लुंगसे मुंबई : देशभरात ठिकठिकाणी मान्सूनचा धिंगाणा सुरू असून, आता मान्सून कोकण आणि गोव्यातही विक्रम नोंदवण्याच्या मार्गावर आहे. स्कायमेटकडील माहितीनुसार, १ जून ते २५ सप्टेंबर या कालावधीत येथे सरासरी २,९१५ मिमी पावसाच्या तुलनेत तब्बल ४ हजार २९८.३ मिलीमीटर पावसाची नोंद झाली असून, हा पाऊस ५३ टक्के अधिक आहे.कोकण, गोव्यात सर्वाधिक पावसाची नोंद केली जाते. कर्नाटकनंतर गोव्यासह कोकणात पाऊस दुसऱ्या क्रमांकावर असतो. जून ते सप्टेंबर या हंगामात कर्नाटकात सरासरी ३,१७४ मिमी पाऊस पडतो. तर कोकण, गोव्यात २,९१५ मिमी पाऊस पडतो. मान्सूनच्या या हंगामात पाऊस कोकण, गोवा विभागात विक्रम नोंदविण्याच्या मार्गावर आहे.येथे सर्वाधिक पावसाची नोंदमुंबई, डहाणू, अलिबाग, हर्णे, रत्नागिरी आणि महाबळेश्वर या जिल्ह्यात यंदा सर्वाधिक पाऊस नोंदविण्यात आला आहे. हर्णे वगळता उर्वरित सर्व ठिकाणांनी सप्टेंबरमधील पावसाच्या १० वर्षे जुन्या विक्रमाला मोडीत काढत नवीन विक्रम प्रस्थापित केला आहे, असे स्कायमेटचे म्हणणे आहे.गेल्या काही वर्षांतील परतीच्या पावसाच्या तारखावर्ष     दिनांक२०१०    २७२०११    २३२०१२    २४२०१३     ९२०१४    २३२०१५     ४२०१६    १५२०१७    २७२०१८    २९पावसाचे प्रमाण (टक्क्यांत) १ जून ते २६ सप्टेंबर, २०१९मुंबई ३५ठाणे ७०पालघर ६९रायगड ५८रत्नागिरी ४८सिंधूदुर्ग ४६नाशिक ६९धुळे ८२नंदुरबार ५७अहमदनगर २५पुणे ११४सातारा ६४सांगली ३२कोल्हापूर ७१सोलापूर ३७उस्मानाबाद १४बीड २५लातूर २२औरंगाबाद ५जालना १०जळगाव ३६बुलडाणा १परभणी १५हिंगोली १७अकोला १४नांदेड १वाशिम २२यवतमाळ ३०अमरावती १वर्धा ८चंद्रपूर १६नागपूर २५भंडारा ४गोंदिया ६गडचिरोली ४७