Deputy CM Eknath Shinde Ladki Bahin Yojana 2100 Rupees: लाडकी बहीण योजना सातत्याने चर्चेत असते. ही योजना जाहीर झाल्यापासूनच विरोधकांनी टीका करण्यास सुरुवात केली होती. अद्यापही या योजनेवरून विरोधक सत्ताधाऱ्यांना कोंडीत पकडण्याचा प्रयत्न करत असतात. अशातच विधानसभा निवडणुकीच्या पार्श्वभूमीवर लाडकी बहीण योजनेत २१०० रुपये देणार असल्याचे आश्वासन महायुती सरकारने दिले होते. परंतु, याची अंमलबजावणी कधी होणार, याबाबत अद्याप स्पष्टता नाही. यातच उपमुख्यमंत्री एकनाथ शिंदे यांनी याबाबत मोठी अपडेट दिली आहे.
राज्यात जिल्हा परिषद निवडणुकांची रणधुमाळी आहे. राज्यातील महानगरपालिका निवडणुकांचा धुरळा खाली बसतो ना बसतो तोच १२ जिल्ह्यातील जिल्हा परिषद पंचायत समित्यांच्या निवडणुका होऊ घातल्या आहेत. या निवडणुकांच्या प्रचारासाठी उपमुख्यमंत्री एकनाथ शिंदे यांनी कंबर कसली आहे. सातारा जिल्ह्यातील महाबळेश्वर तालुक्यातील तळदेव येथे घेतलेल्या प्रचार सभेद्वारे करण्यात आला आहे. या झंझावाती प्रचार दौऱ्यात उपमुख्यमंत्री एकनाथ शिंदे हे २८ जानेवारी रोजी परभणी, लातूर आणि सोलापूर जिल्ह्यात, तर २९ जानेवारी रोजी सोलापूर धाराशिव येथे, तर ३० जानेवारी रोजी पुणे सांगली जिल्ह्यात, ३१ जानेवारी रोजी सातारा जिल्ह्यात, १ फेब्रुवारी रोजी सिंधुदुर्ग आणि कोल्हापूर जिल्ह्यात तर २ फेब्रुवारी रोजी छत्रपती संभाजी नगर आणि रायगड रत्नागिरी जिल्ह्यात शिवसेनेच्या उमेवारासाठी प्रचारसभा घेणार आहेत. सातारा जिल्ह्यातील सभेत बोलताना एकनाथ शिंदे यांनी लाडकी बहीण योजनेबाबत विधान केले.
आईची काटकसर आणि पत्नीच्या डोळ्यातील अश्रू पहिले होते
लाडकी बहीण योजनेसाठी ४५ हजार कोटी एका वर्षाचा खर्च होता, भल्याभल्यांची हिंमत झाली नाही. मात्र, जे खोडा घालायचे त्यांना २३२ नंबरचा चा घोडा दाखवला. महारष्ट्राच्या इतिहासात २३२ जागा महायुतीच्या कधी निवडून आल्या नव्हत्या. लाडकी बहीण योजनेमुळे महिलांना भरभरुन मतदान केले. माझ्या आईची काटकसर आणि माझ्या पत्नीच्या डोळ्यातील अश्रू पहिले होते, म्हणून मी याचा विचार करुन महिलांसाठी लाडकी बहीण योजना आणली. १५०० रुपये लाडक्या बहिणींना देतो त्याच्या अनेक सक्सेस स्टोरी आहेत. आता, १५०० रुपयांचे २१०० रुपये योग्यवेळी करणार, हा शब्द लाडक्या बहिणींना दिलेला आम्ही पाळणार आहोत, मी बोलतो ते करून दाखवतो, असे एकनाथ शिंदे यांनी नमूद केले.
दरम्यान, माझी कर्मभूमी मुंबई असली तर माझी जन्मभूमी सातारा आहे. सातारा जिल्ह्याची गौरवशाली परंपरा आहे. छत्रपती शिवाजी महाराजांच्या नावाने आपण कारभार करतो. संपत्ती कमावली यापेक्षा माणसे किती कमवली हे मी पाहिले. आधीच्या मुख्यमंत्र्यांना स्पीड ब्रेकर आणि स्थगितीशिवाय काही माहित नव्हते. फेसबुक लाइव्ह नाही तर फेस टू फेस काम करावे लागते, असे सांगत एकनाथ शिंदे यांनी नाव न घेता उद्धव ठाकरेंवर टीका केली.
Web Summary : DCM Eknath Shinde assured women that the Ladki Bahin Yojana's ₹1500 payment will increase to ₹2100 at the right time. He criticized previous administrations, emphasizing his commitment to action over empty promises during a campaign rally in Satara.
Web Summary : डीसीएम एकनाथ शिंदे ने महिलाओं को आश्वासन दिया कि लाडली बहिन योजना के ₹1500 का भुगतान सही समय पर बढ़कर ₹2100 हो जाएगा। उन्होंने पिछली सरकारों की आलोचना की, और सतारा में एक अभियान रैली के दौरान खाली वादों पर अपनी प्रतिबद्धता पर जोर दिया।