ठळक मुद्देहे 11 जणं भावनगर येथे देवदर्शनाला जात असताना हा अपघात झाल्याची माहिती आहे. गुजरातच्या अहमदाबादमध्ये जीप आणि ट्रकचा भीषण अपघात झाला आहे. या अपघातात महाराष्ट्रातील 11जणांचा मृत्यू झाला आहे.
अहमदाबाद, दि. 27 - गुजरातच्या अहमदाबादमध्ये जीप आणि ट्रकचा भीषण अपघात झाला आहे. या अपघातात डोंबिवलीतील 11जणांचा मृत्यू झाला आहे. हे 11 जणं भावनगर येथे देवदर्शनाला जात असताना हा अपघात झाल्याची माहिती आहे. मृतांमध्ये पाच महिलांचा समावेश असल्याचं वृत्त आहे.
अपघातात मृत्युमुखी पडलेले सर्व जण डोंबिवलीतील रहिवासी आहेत, प्राथमिक वृत्तानुसार, डोंबिवलीच्या संगितावाडीमधील गोविंद धाम सोसायटीतील हितेश शहा त्यांच्या कुटुंबीयांसह गुजरातला जीपने देवदर्शनाला गेले होते. ते जीपने भावनगर येथील पालिताना मंदिरात दर्शनाला जात होते. यावेळी धुका-बरवाला रस्त्यावर अचानक जीपच्या समोर ट्रक आल्याने ट्रक आणि जीपची जोरदार धडक झाली आणि या धडकेत जीपमधील 11 जणांचा मृत्यू झाला. मात्र हितेन शहा यांची 80 वर्षाची आई या अपघातातून आश्चर्यकारकरित्या बचावली आहे.