पुणे/ खडकवासला : सिंहगड शब्द कानावर आला की त्याक्षणी डोळ््यासमोर उभा राहतो तो तानाजी मालुसरे यांचा १६७० साली अद्वितीय पराक्रम..याच युध्द प्रसंगात स्वराज्यासाठी तानाजी मालुसरे धारातीर्थी पडले होते. सिंहगडावरचा हा पराक्रम इतक्या वर्षांनतरही आपल्या सर्वांच्या अंगावर शहारे आणल्याशिवाय व स्वराज्य निर्मितीसाठी स्वत:च्या प्राणांची आहुतीचे स्मरण केल्याशिवाय राहत नाही. त्याच सिंहगडावर पुणे महानगरपालिकेच्या वतीने नरवीर तानाजी मालुसरे यांच्या समाधी व पुतळा परिसराचे सुशोभीकरणाचे काम सुरु आहे. ते सुरु असताना मालुसरे यांची देह समाधी मिळाली आहे. छत्रपती शिवरायांनी मालुसरे यांची समाधी बांधली. यामुळे, शिवाजी महाराजांच्या काळातील एक ऐतिहासिक अमूल्य असा ठेवा या समाधीच्या स्वरुपात राज्याला मिळाला आहे.
ब्रॉंझमधील मेघडंबरीचे सिंहगडावरील स्मारकाच्या ठिकाणी उभारणीचे काम पुर्ण झाले आहे. समाधीचे काम सुरू करताना समाधी स्थानकावरील काँक्रीटचा चौथरा काढून घडीव शीळेतील चौथरा करण्यात येणार आहे. काँक्रीटचा चौ थरा वाढल्यावर तेथे मूळ स्वरुपातील समाधीचे वृदावन दिसले. वृदावनाला बाधा न पोहचवता काँक्रीट काढले. पुरातत्व विभागाचे सहायक संचालक विलास वाहने यांनी समाधीस्थळाची पाहणी केली. त्यांनी सांगितले की पुरातत्व विभागाच्या नियमानुसार आता मूळ समाधीचे जतन करणार आहे.
.....................
सुशोभीकरणाचे काम पूर्ण करून समाधी शिवप्रेमीसाठी खुलीविशेष बाब म्हणून सुमारे सहा कोटी रूपये निधी महापालिकेकडून मिळवून नरवीर तानाजी मालुसरे यांची समाधीचे आणि स्वराज्य निष्ठा शिल्प आणि परिसराच्या सुशोभीकरणाचे काम अंतिमटप्प्यात आले. मूळ समाधी दिसल्यामुळे सध्या अस्तित्वात असलेला ब्रॉझचा पुतळा समाधी परिसरात बसवण्यात येईल असे पालिकेचे विरोधी पक्षनेते दिलीप बराटे यांनी सांगितले. तीथीनुसार नरवीरांची पुण्यतिथी २७ फेब्रुवारी आहे. त्यापूर्वी सुशोभीकरणाचे काम पूर्ण करून समाधी शिवप्रेमीसाठी खुली केली जाईल.