लोकमत न्यूज नेटवर्कबारामती : सुनेत्रा पवार यांच्या उपमुख्यमंत्रिपदाच्या शपथविधीबाबत आपल्याला कोणतीही माहिती नसल्याचे राष्ट्रवादी (शरद पवार) चे अध्यक्ष ज्येष्ठ नेते शरद पवार यांनी सांगितले. बारामतीतील गोविंदबाग निवासस्थानी शनिवारी पत्रकारांशी संवाद साधताना त्यांनी या विषयावर सध्या कोणतीही चर्चा झाली नसल्याचे म्हटले.
शरद पवार म्हणाले की, 'सुनेत्रा पवार यांच्या शपथविधीबाबत मला काहीही माहिती नाही. आमच्याकडे यासंदर्भात कोणतीही चर्चा झालेली नाही. कदाचित, मुंबईत कुठेतरी चर्चा झाली असेल आणि त्यांनी काही निर्णय घेतला असेल. प्रफुल्ल पटेल आणि सुनील तटकरे हे पक्षाचे प्रमुख आहेत. निर्णय घेण्याचा अधिकार त्यांच्याकडे आहे. यावर मी भाष्य करणार नाही.' शपथविधीला उपस्थित राहणार का? या प्रश्नावर ते म्हणाले, 'शपथविधी होणार की नाही, हेच माहिती नाही. त्यामुळे जाण्याचा प्रश्नच उद्भवत नाही.'
राष्ट्रवादी एकत्र येण्याबाबतच्या चर्चेवर भाष्य करताना शरद पवार यांनी सांगितले की, चार महिन्यांपासून विलीनीकरणाबाबत सकारात्मक चर्चा सुरू होती. विलीनीकरणाची घोषणा १२ तारखेला होणार होती. या चर्चेचे नेतृत्व अजित पवार आणि जयंत पाटील करत होते. मात्र, अजित पवार यांच्या अपघाती निधनामुळे या प्रक्रियेला खंड पडला.
या चर्चामध्ये मी प्रत्यक्ष सहभागी नव्हतो. अजितदादा, जयंत पाटील आणि शशिकांत शिंदे सातत्याने यात होते. दोन्ही पक्षांमध्ये एकत्र काम करण्याबाबत एकमत होते. दादांची इच्छा होती की, पक्ष एकत्र यावेत. ती इच्छा पूर्ण व्हावी, ही आमचीही इच्छा आहे, असे शरद पवार यांनी नमूद केले. सुनेत्रा पवार यांच्या शपथविधीसाठी घाई का होत आहे आणि यामागे कोणाचा हात आहे? या प्रश्नावर त्यांनी भाष्य करणे टाळले.
Web Summary : Sharad Pawar stated he was unaware of Sunetra Pawar's oath. Merger talks were ongoing, led by Ajit Pawar, before his death. Dada desired party unity, a wish Sharad Pawar also shares. He declined to comment on the haste surrounding Sunetra Pawar's oath.
Web Summary : शरद पवार ने कहा कि उन्हें सुनेत्रा पवार के शपथ के बारे में जानकारी नहीं थी। अजित पवार के नेतृत्व में विलय की बातचीत चल रही थी, उनकी मृत्यु से पहले। दादा पार्टी एकता चाहते थे, शरद पवार भी यही इच्छा रखते हैं। उन्होंने सुनेत्रा पवार के शपथ ग्रहण की जल्दबाजी पर टिप्पणी करने से इनकार कर दिया।