घोटाळय़ाविना हाऊसफुल्ल!

मात्र हा दावा मध्य रेल्वेकडून करण्यात आला असला तरी त्यांनीच सादर केलेल्या एका खुलाशामध्ये कोकण रेल्वे अवघ्या एका मिनिटात हाऊसफुल्ल होत असल्याचे दिसून आले आहे. 

28 ऑगस्टला गणोशोत्सवानिमित्त कोकणात जाणा:या चाकरमान्यांसाठी रेल्वेची तिकीट आरक्षण सेवा 29 जून रोजी सुरू करण्यात आली. हे आरक्षण सकाळी 8 वाजता सुरू होताच अनेक प्रवाशांना अवघ्या काही मिनिटांतच 300पेक्षा जास्त वेटिंग लिस्टला सामोरे जावे लागले. याबाबत प्रत्यक्षात विधान परिषदेचे विरोधी पक्षनेते विनोद तावडे यांनी लक्ष घालत रेल्वे मंत्र्यांकडे तक्रार करण्याचा निर्णय घेतला. यात ऑनलाइन बुकिंगमध्येच घोटाळा होत असल्याचा आरोपही करीत याबाबत रेल्वेमंत्र्यांकडे तक्रार करण्याचा निर्णय घेण्यात आला. मात्र या प्रकरणावरून बराच वादंग झाल्यानंतर मध्य रेल्वेने आपली भूमिका मांडत ऑनलाइन बुकिंगमध्ये घोटाळा नसल्याचा दावा केला. 

तसेच नियमानुसार तिकिटांचे आरक्षण होत असून गणोशोत्सव काळात 

मोठय़ा प्रमाणात कोकणात जाणा:या रेल्वेला मागणी असल्यानेच वेटिंग लिस्टला सामोरे जावे लागत असल्याचे मध्य रेल्वेचे मुख्य जनसंपर्क अधिकारी नरेंद्र पाटील यांनी सांगितले. नियमानुसार तिकीट आरक्षण होत असल्याचा दावा करतानाच या वेळी मध्य रेल्वेने 28 ऑगस्टच्या कोकणकन्या एक्सप्रेसच्या 29 जून रोजी करण्यात आलेल्या आरक्षणाची माहिती दिली. मात्र ही माहिती समोर आणताच या ट्रेनचे अवघ्या एका मिनिटाच्या आतच बुकिंग फुल्ल झाल्याचे समोर आले आहे. फस्र्ट एसी, एसी टू टायर, एसी थ्री टायर आणि स्लीपर क्लास डब्यांचे आरक्षण एका मिनिटाच्या आत फुल्ल कसे काय होऊ शकते, असे विचारल्यास थातुरमातुर कारणो मध्य रेल्वेने दिली. मात्र यावर तोडगा कसा निघू शकतो हे स्पष्ट केले नाही. त्यामुळेच कोकणच्या प्रवाशांना वेटिंग लिस्टला एका मिनिटातच सामोरे जावे लागले. भाजपा नेत्यांनी रेल्वेमंत्री सदानंद गौडा यांच्याकडे तक्रार केली. गौडा यांनीही या प्रकरणाची दखल घेत चौकशीचे आदेश दिले आहेत. रेल्वे बोर्डाचे अतिरिक्त सदस्य (वाहतूक) अमिताभ लाल हे या प्रकरणाची चौकशी करणार आहेत. (प्रतिनिधी)

 

फस्र्ट एसी : आरक्षण 8.01 वाजता आरआरसीटीसीमार्फत फुल.

एसी टू टायर : आरक्षण 8 वाजता फुल्ल. एलटीटी, नवसारी, भिलाड, तिरुपती, कुडाळ, भायखळा येथून आरक्षण झाले. 

एसी थ्री टायर : आरक्षण 8 वाजता फुल्ल. आरक्षण वापी, नागर, आयआरसीटीसी, सीएसटी, मुंबई सेंट्रल, ससाराम, भाईंदर, औरंगाबाद, भायखळा, दाहोद, माहीम, तळेगाव, बोरीवली, नाशिक येथून झाले. आरएसी आरक्षण आठ वाजता फुल्ल

स्लीपर क्लास :आरक्षण 8.01 वाजता फुल्ल. आरक्षण नाशिक, आयआरसीटीसी, सीएसटी, बोईसर, मुंबई सेंट्रल, नेव्हीनगर, मालाड, कांदिवली, लोणावळा, देवळाली, भाईंदर येथून फुल्ल.