सावित्रीच्या वेगवान प्रवाहात जवानांची बोट उलटली

महाडच्या सावित्री नदीमध्ये शोधकार्यामध्ये गुंतलेल्या एनडीआरएफच्या जवानांची बोट उलटल्याची दुर्घटना घडली आहे.

ऑनलाइन लोकमत 

महाड, दि. ४ - महाडच्या सावित्री नदीमध्ये शोधकार्यामध्ये गुंतलेल्या एनडीआरएफच्या जवानांची बोट उलटल्याची दुर्घटना घडली आहे.

 

सुदैवाने या दुर्घटनेत कोणतीही जिवीतहानी झालेली नाही. सावित्री नदीमधील पाण्याच्या वेगवान प्रवाहामुळे ही बोट कलंडली. महाबळेश्वर आणि महाडमध्ये रात्रभर पावसाची संततधार सुरु राहिल्याने सावित्रीच्या पाण्याची पातळी कमी झालेली नाही. 

 

आणखी वाचा 

घटनास्थळापासून ७० किमी अंतरावर सापडला ड्रायव्हरचा मृतदेह

महाड दुर्घटनेतील मृतदेह अरबी समुद्रात वाहून गेले ?

 

महाबळेश्वरमध्ये रात्रभर झालेल्या मुसळधार पावसामुळे दुपारी सावित्रीच्या पाण्याची पातळी आणखी वाढू शकते. पाण्याच्या प्रवाहामुळेच पाण्याखालची शोध मोहिम सध्या शक्तीशाली चुंबकाच्या मदतीने केली जात आहे.