Chhagan Bhujbal News: नगरपरिषद आणि नगरपंचायतीच्या निवडणुकांसाठीचा प्रचार अंतिम टप्प्यात आला आहे. नगरांच्या निवडणुकीत वादाचे नगारे वाजत आहेत. महायुतीतील अनेक नेते एकमेकांवर आरोप-प्रत्यारोप करताना पाहायला मिळत आहेत. नेत्यांची विधानेही गाजत असल्याचे दिसत आहे. यातच राष्ट्रवादी काँग्रेस अजित पवार गटाचे नेते छगन भुजबळ यांनी थेट रुग्णालयातून प्रचारसभेत सहभाग घेतल्याचे समोर आले आहे. हाताला सलाइन, नाकाला ऑक्सिजन पाइप असलेल्या अवस्थेत छगन भुजबळ यांनी मतदारांना भावनिक आवाहन केल्याचे म्हटले जात आहे.
सोशल मीडियावर छगन भुजबळ यांच्या प्रचाराचा व्हिडिओ शेअर करण्यात आला आहे. छगन भुजबळ यांच्यावर मुंबईतील रुग्णालयात उपचार सुरू आहेत. त्यामुळे छगन भुजबळ गेल्या काही दिवसांपासून सार्वजनिक कार्यक्रमापासून दूर आहेत. छगन भुजबळ यांनी रुग्णालयातून येवलावासियांना व्हिडिओ कॉन्फरन्सिंगद्वारे संबोधित केले. हाताला सलाइन, नाकाला ऑक्सिजन पाइप लावलेल्या छगन भुजबळांनी हातात भाषणाचा कागद घेऊन मतदानाचे आवाहन केले.
विकासाच्या मुद्द्यावर इथे आलो आणि विकासकामे केली
माझी इच्छा असताना नगरपरिषद निवडणुकांमध्ये सहभाग घेता आला नाही. विकासाच्या मुद्द्यावर इथे आलो आणि विकासकामे केली. २००४ मध्ये मला काम करण्याची, सेवा करण्याची संधी येवल्यात मिळाली. हजारो कोटी रुपयांची कामे करायला मिळाली. त्यासाठी आपली साथ होती. अनेक कामे मतदारसंघात केली, म्हणून तुम्ही मला ५ वेळा निवडून दिले. आपल्या नगराध्यक्षपदाच्या उमेदवारासह सर्वच उमेदवारांना आपण निवडून द्याल, असा विश्वास छगन भुजबळ यांनी व्यक्त केला.
दरम्यान, आगामी काळात विकासकामे करणार आहोत त्याचा वचननामा आपल्याकडे पोहोचला आहे. येवल्यात नसलो तरी समीर पंकज येवल्यात रात्रंदिवस काम करत आहेत. मला जे प्रेम दिले ते महायुतीच्या उमेदवारांना प्रेम द्या, असे सांगत, संघर्ष की रात जितनी अंधेरी होती है, सफलता का सुरज उतना ही तेज चमकता है| सवाल जहर का नहीं था, वो तो मै पी गया, तकलीफ लोगों को तब हुई, जब मैं फिर भी जी गया, अशी शेरोशायरी भुजबळांनी विरोधकांचा खरपूस समाचार घेतला.
Web Summary : Chhagan Bhujbal, hospitalized, addressed voters via video, appealing for support in upcoming Nagar Parishad elections. He emphasized past development work and urged voters to back the Mahayuti candidates, expressing confidence in their victory.
Web Summary : छगन भुजबल ने अस्पताल से वीडियो के माध्यम से मतदाताओं को संबोधित किया और आगामी नगर परिषद चुनावों में समर्थन मांगा। उन्होंने विकास कार्यों पर जोर दिया और महायुति के उम्मीदवारों का समर्थन करने का आग्रह किया।