दहा शाळांना आठ लाख रुपये, 'लोकमत', 'लिटील प्लॅनेट फाउंडेशन' आणि 'ऊर्जा'; पुरस्कार विजेते जाहीर

Lokmat: 'लोकमत' आणि 'लिटील प्लॅनेट फाउंडेशन'च्या 'ऊर्जा' या विशेष प्रकल्पाअंतर्गत मुलांना सोबत घेऊन पर्यावरणपूरक उपक्रम राबवण्यासाठी उत्सुक असलेल्या एकूण १० शाळांना ८ लाख रुपयांची  रोख पारितोषिके दिली जातील.

मुंबई - 'हिरव्या' हातांच्या, चपला-बुटांना 'माती' असलेल्या आणि प्रश्न विचारायला न घाबरणाऱ्या मुलांच्या शाळांचा शोध पूर्ण झाला आहे. 'लोकमत' आणि 'लिटील प्लॅनेट फाउंडेशन'च्या 'ऊर्जा' या विशेष प्रकल्पाअंतर्गत मुलांना सोबत घेऊन पर्यावरणपूरक उपक्रम राबवण्यासाठी उत्सुक असलेल्या एकूण १० शाळांना ८ लाख रुपयांची  रोख पारितोषिके दिली जातील. महाराष्ट्र आणि गोव्यातून ४०९ शाळांनी या विशेष योजनेसाठी आपले प्रकल्प/कल्पना पाठवल्या होत्या. नव्या शैक्षणिक वर्षापासून सुरु होत असलेल्या 'ऊर्जा'च्या अभियानात या सर्व आणि इतरही शाळांना सामावून घेण्यात येणार आहे.