अलिबाग: रायगड जिल्हा परिषदेच्या निवडणुकीत अत्यंत चुरशीच्या ठरलेल्या थळ जिल्हा परिषद गटातून एक मोठी खळबळजनक बातमी समोर आली आहे. महायुतीमधील अंतर्गत लढत आणि प्रतिष्ठेच्या मानल्या जाणाऱ्या या निवडणुकीत विद्यमान खासदार धैर्यशील पाटील यांच्या पत्नी निलिमा पाटील यांचा पराभव झाला आहे. या अटीतटीच्या लढतीत अदिती नाईक यांनी बाजी मारली आहे.
नुकत्याच झालेल्या लोकसभा निवडणुकीत धैर्यशील पाटील यांनी मोठे यश मिळवले होते, त्यामुळे त्यांच्या पत्नी निलिमा पाटील यांचा विजय निश्चित मानला जात होता. मात्र, स्थानिक राजकारणात शेकाप (शेतकरी कामगार पक्ष) आणि स्थानिक आघाड्यांनी दिलेले आव्हान धैर्यशील पाटील यांना पेलता आले नाही. थळ गटात झालेल्या या पराभवामुळे खासदारांच्या बालेकिल्ल्याला सुरुंग लागल्याची चर्चा राजकीय वर्तुळात रंगली आहे. २०१७ मध्ये झालेल्या रायगड जिल्हा परिषदेच्या पाबल मतदारसंघात भारतीय शेतकरी कामगार पक्ष पक्षाकडून उभे असलेल्या निलिमा धैर्यशील पाटील विजयी ठरल्या होत्या.
अदिती नाईक यांचा 'जायंट किलर' विजयदुसरीकडे, अदिती नाईक यांनी या विजयासह आपल्या राजकीय प्रवासाची दमदार सुरुवात केली आहे. थळ हा गट पारंपरिक रित्या शेकापचा गड मानला जातो, तो पुन्हा एकदा राखण्यात नाईक कुटुंबीयांना यश आले आहे. मतमोजणीच्या सुरुवातीपासूनच अदिती नाईक यांनी आघाडी घेतली होती, जी शेवटच्या फेरीपर्यंत कायम राहिली.
राजकीय समीकरणे बदलणार?या निकालाचा परिणाम आगामी विधानसभा आणि स्थानिक स्वराज्य संस्थांच्या राजकारणावर होण्याची शक्यता आहे. खासदारांच्या पत्नीचा पराभव झाल्याने विरोधकांना नवे बळ मिळाले असून, रायगडच्या राजकारणात 'पाटील विरुद्ध नाईक' हा संघर्ष आता अधिक तीव्र होताना दिसत आहे.
Web Summary : In a Raigad Zilla Parishad election upset, MP Dhairyasheel Patil's wife, Nilima Patil, lost to Aditi Naik. Naik's victory in the SheKaP stronghold shakes Patil's political base, potentially reshaping local politics.
Web Summary : रायगढ़ जिला परिषद चुनाव में सांसद धैर्यशील पाटिल की पत्नी नीलिमा पाटिल, अदिति नाइक से हार गईं। शेकाप के गढ़ में नाइक की जीत ने पाटिल के राजनीतिक आधार को हिला दिया, जिससे स्थानीय राजनीति में बदलाव की संभावना है।