पुणो महापौरपदी राष्ट्रवादीचे धनकवडे

महापौरपदाच्या निवडणुकीत राष्ट्रवादीचे दत्तात्रय धनकवडे यांनी भाजपा उमेदवार योगेश टिळेकर यांचा तर काँग्रेसचे आबा बागुल यांनी शिवसेनेचे भरत चौधरी यांचा उपमहापौरपदाच्या निवडणुकीत पराभव केला.

पुणो : महापौरपदाच्या निवडणुकीत राष्ट्रवादीचे दत्तात्रय धनकवडे यांनी भाजपा उमेदवार योगेश टिळेकर यांचा तर काँग्रेसचे आबा बागुल यांनी शिवसेनेचे भरत चौधरी यांचा उपमहापौरपदाच्या निवडणुकीत पराभव केला. 

मनसेच्या नगरसेवकांनी तटस्थ भूमिका घेतली. राष्ट्रवादी व काँग्रेस नगरसेवकांची सर्व 83 मते धनकवडे व बागुल यांना मिळाली. युतीचे उमेदवार टिळेकर व चौधरी यांना 41 मते मिळाली. मनसेचे 28 पैकी 13 नगरसेवक उपस्थित होते. 

परंतु, त्यांनी मतदान न करता तटस्थ भूमिका घेतली. त्यामुळे काँग्रेस आघाडीच्या उमेदवारांची बहुमताने निवड झाली. चंचला कोद्रे यांच्याकडून नवनिर्वाचित महापौर धनकवडे व बंडू गायकवाड यांच्याकडून बागुल यांनी पदभार स्वीकारला. (प्रतिनिधी)