पंढरपूर- पंढरपूरमध्ये एका व्यक्तीने पत्नी व दोन मुलींची हत्या केल्याची घटना घडली आहे. माळशिरस तालुक्यातील पिलीव घाटात ही घटना घडली आहे. पत्नी व दोन मुलींची हत्या केल्यानंतर पतीनेही आत्महत्या केली आहे. सोमवारी दुपारच्या सुमारास ही घटना घडल्याची माहिती मिळते आहे. मंगळवारी सकाळी ही घटना उघडकीस आली. या घटनेमुळे परिसरात खळबळ उडाली आहे.
सुभाष श्यामराव आनुसे वय (35) रा.उंबरे वेळापूर (चांडकाचीवाडी) यांचा पिलीव घाटात पत्नी स्वातीसह त्यांच्या दोन मुलींचा मृतदेह आढळून आला. पत्नी स्वातीला दगडाने ठेचून मारण्यात आलं होतं. तर मुलगी सविता आणि प्राजक्ताला फासावर लटकवण्यात आलं होतं. तसंच सुभाष आनुसेने स्वतःला गळफास लावून आत्महत्या केली असल्याचं समोर आलं आहे.
सुभाष अानुसे हे वेळापूर जवळील उंबरे या गावचे रहिवासी आहेत. या चौघांचे मृतदेह पिलीव घाटात आज मंगळवारी आढळुन आलेत. याविषयी तर्कवितर्क लावले जात आहेत. पण मृत्यूचे ठोस कारण कळू शकलेलं नाही. तसंच ही हत्या सुभाष अनुसे यांनी करुन स्वतः आत्महत्या केली का दुसऱ्या कोणी या चौघांची हत्या केली हे अजून स्षप्ट झालेलं नाही. पोलिसांकडून याबद्दलचा तपास केला जातो आहे.