Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

पिंपरी : किराणा दुकानातील महिलेच्या गळ्यातील सोनसाखळी जबरदस्तीने हिसकावून नेणाऱ्या कंपाउडरला पोलिसांनी अटक केली. २० किलोमीटर अंतरातील सीसीटीव्ही फुटेज तपासून सहा तासात त्याला शिताफिने पकडले. पिंपरी-चिंचवड गुन्हे शाखा युनिट तीनच्या पोलिसांनी ही कारवाई केली.यशवंत दिगंबर सूर्यवंशी (३२, रा. बालाजीनगर, मेदनकरवाडी, चाकण) असे अटक केलेल्या संशयिताचे नाव आहे. याप्रकरणी ६५ वर्षीय महिलेने चाकण पोलिस ठाण्यात फिर्याद दिली आहे. पोलिस उपायुक्त संदीप डोईफोडे यांनी दिलेल्या माहितीनुसार, फिर्यादी महिलेचे चाकण येथे किराणा दुकान आहे. फिर्यादी महिला ३ जून रोजी सकाळी साडेआठच्या सुमारास दुकानात एकटी असताना संशयित दुकानामध्ये आला. चाॅकलेट आणि बडीशेप खरेदी करण्याचा त्याने बहाणा केला. महिलेच्या बेसावधपणाचा फायदा घेऊन त्याने महिलेच्या गळ्यातील ५७ हजार रुपये किमतीचे सोन्याचे दागिने हिसकावले. त्यानंतर दुचाकीवरून तो चाकणच्या दिशेने पसार झाला. याप्रकरणी चाकण पोलिस ठाण्यात गुन्हा दाखल करण्यात आला.गुन्हे शाखेच्या युनिट तीनचे वरिष्ठ पोलिस निरीक्षक जितेंद्र कदम यांच्या पथकाकडून या गुन्ह्याचा समांतर तपास सुरू करण्यात आला. पथकाने घटनास्थळी भेट देऊन परिसरातील सीसीटीव्ही फुटेजवरून संशयिताचा माग काढला. त्यासाठी २० किलोमीटर अंतरातील सीसीटीव्ही कॅमेऱ्यांचे फुटेज तपासले. खेड तालुक्यातील बोरदरा गावाच्या हद्दीतील एका खासगी कंपनीजवळ संशयिताची दुचाकी आढळून आली. दुचाकीला मागची नंबरप्लेट नव्हती. तसेच पुढच्या नंबरप्लेटवर चिखल लावला होता. त्यामुळे दुचाकीचा नंबर सीसीटीव्ही फुटेजमध्ये दिसून येत नव्हता.पोलिसांनी दुचाकीच्या क्रमांकावरून दुचाकीमालकाचा शोध घेतला असता एका रुग्णालयाशी संबंधित डाॅक्टरचे नाव पुढे आले. डाॅक्टरकडे चौकशी केली असता, त्यांच्याकडे सहाय्यक म्हणून काम करणारा कर्मचारी संबंधित दुचाकी वापरत असल्याचे त्यांनी सांगितले. संबंधित कर्मचारी खासगी कंपनीमध्ये गेला असल्याचेही डाॅक्टरांनी सांगितले. त्यानुसार पोलिसांनी खासगी कंपनीतून संशयित कर्मचाऱ्याला ताब्यात घेतले.एक लाख ८० हजारांचा मुद्देमाल जप्तसंशयिताकडून दुचाकी व २२ ग्रॅम वजनाचे सोन्याचे दागिने असे एक लाख ८० हजार रुपये किमीचा मुद्देमाल पोलिसांनी जप्त केला. सहा तासात या गुन्ह्याची उकल केल्याने युनिट तीनच्या पोलिसांचे कौतुक होत आहे. सहायक पोलिस आयुक्त डॉ. विशाल हिरे यांच्या मार्गदर्शनाखाली वरिष्ठ पोलिस निरीक्षक जितेंद्र कदम, उपनिरीक्षक सुनील जावळे यांच्या पथकाने ही कामगिरी केली.

Maharashtra (Marathi News)

शालेय शिक्षणमंत्री दादाजी भुसे यांच्याकडे केली मागणी ...

महामार्ग होणार हिरवेगार- गणेश नाईक ...

साहित्यासह एका आयपॅडची किंमत २ लाख १३ हजार रुपये इतकी आहे. ...

सह्याद्री अतिथीगृहात राज्य आपत्ती व्यवस्थापन प्राधिकरणाची बैठक फडणवीस यांच्या अध्यक्षतेखाली झाली ...

किरकोळ अधिकार घेण्यास राज्यमंत्र्यांचा नकार ...

प्रवेश प्रक्रियेचा ५ जूनला शेवटचा दिवस असल्याने तक्रारदार विद्यार्थ्यांची चिंता वाढली आहे ...

धारणी तालुक्यातील शिवझिरी हे भूकंपाचे केंद्र असल्याचे ‘एनसीएस’च्या रिपोर्टमध्ये नमूद आहे ...

खाेदलेल्या साईडपट्टीच्या अरुंद रस्त्यावर कराड-लातूर एसटी बस उलटली ...

- वीस किलोमीटर अंतरातील सीसीटीव्ही फुटेज तपासून सहा तासात केली अटक ...