Maharashtra Marathi News | महाराष्ट्र मराठी बातम्या | Maharashtra News Paper Today | Maharashtra News In Marathi | Live Crime News From Maharashtra | महाराष्ट्र ताज्या बातम्या | Maharashtra Breaking News in Marathi

Thackeray Group Leader Ambadas Danve Meet Imtiyaz Jaleel: राज्यात अनेक मुद्द्यांवरून राजकीय वातावरण तापल्याचे पाहायला मिळत आहे. वक्फ बोर्ड सुधारणा विधेयकावरून विरोधक आणि सत्ताधारी आमनेसामने आले आहेत. आरोप-प्रत्यारोपांच्या फैरी झडताना पाहायला मिळत आहेत. यातच ठाकरे गटाचे नेते अंबादास दानवे यांनी इम्तियाज जलील यांची भेट घेतल्याची माहिती मिळाली आहे. सातत्याने आमच्या भेटीगाठी होत असतात. गेल्या २५ वर्षांपासून आमचे चांगले संबंध आहेत. मागील २५ वर्षांपासून सातत्याने मी जलील यांच्या घरी ईदच्या शुभेच्छा देण्यासाठी येत आलेलो आहे. राजकीय चर्चेत मला काही देणेघेणे नाही. इम्तियाज जलील हे पण माझ्या घरी दिवाळीसाठी येत असतात, असे सांगतानाच माणूस चंद्रावर जाऊन पोहचला आहे. आताचे AI चे युग असून, भाजपाचे लोक हिंदू-मुस्लिम घेऊन बसले आहेत. राजकीय संबंधांइतकेच वैयक्तिक संबंधही महत्त्वाचे आहेत, अशी प्रतिक्रिया अंबादास दानवे यांनी दिली.आम्ही शत्रू नाहीतलोकशाहीत विविध राजकीय पक्षांचे मतभेद असायला पाहिजे. मात्र, महाराष्ट्राची एक वेगळी राजकीय संस्कृती असून, आपण सण उत्सव एकमेकांच्या घरी जाऊन साजरा करत असतो. माझी आणि अंबादास दानवे यांची ओळख महाविद्यालयीन जीवनापासून आहे. दरवर्षी मी दिवाळीला त्यांच्या घरी जात असतो. ईदला ते माझ्या घरी येत असतात. आता भारतीय जनता पक्षाच्या वतीने असे वातावरण तयार करण्यात आले आहे की, हिंदू-मुस्लिम एकमेकांचे शत्रू आहेत. अंबादास दानवे आणि आमची राजकीय विचारसरणी वेगवेगळी असली तरीही आम्ही शत्रू नाहीत, असे इम्तियाज जलील यांनी म्हटले आहे.दरम्यान, अंबादास दानवे आणि इम्तियाज जलील यांच्या भेटीमुळे राजकीय वर्तुळात अनेकांच्या भुवया उंचावल्या आहेत. यावरून आता चर्चांना सुरुवात झाल्याचे सांगितले जात आहे.

Maharashtra (Marathi News)

- तिथे तिनं जुळ्या मुलींना जन्म दिला. मात्र, वेळेत योग्य उपचार न मिळाल्याने तिची तब्येत खालावली ...

Nagpur : आता एसटी प्रवाशांना येणार नाही अडचण. सर्व आगारांना दिले आदेश ...

Nagpur : महाराष्ट्र राज्य वक्फ बोर्डाजवळ आहे ९८ हजार ७०० एकर जमीन ...

पैशांच्या हव्यासापोटी रुग्णालयाने घेतला गर्भवतीचा बळी ...

राज्य सरकारने दीनानाथला जमीन देण्यापेक्षा आहे तीच जमीन त्यांच्याकडून काढून घ्यावी, राजकीय पक्षांची मागणी ...

केंद्रीय मंत्री अमित शाह रायगडला भेट देणार आहे, अशी माहिती खासदार उदयनराजे भोसले यांनी केली. ...