राज ठाकरे यांचा डोंबिवलीत इको फ्रेंडली वाढदिवस; १ हजार ५३ फूलझाडांचे वाटप

मनसेचे अध्यक्ष राज ठाकरे यांच्या ५३ व्या वाढदिवसानिमित्त आज डोंबिवलीतील बाजी प्रभू चौकात १ हजार ५३ फूल झाडांचे वाटप करण्यात आले.

कल्याण:मनसेचे अध्यक्ष राज ठाकरे यांच्या ५३ व्या वाढदिवसानिमित्त आज डोंबिवलीतील बाजी प्रभू चौकात १ हजार ५३ फूल झाडांचे वाटप करण्यात आले. यावेळी फूलझाडे घेण्यासाठी अनेक नागरिक आले होते. नेत्याचा हा इको फ्रेंडली वाढदिवस चर्चेचा विषय ठरला आहे.

मनसेचे आमदार राजू पाटील यांच्या मार्गदर्शनाखाली मनसेच्या शहर शाखेच्या वतीने हा कार्यक्रम घेण्यात आला. या प्रसंगी मनसेचे जिल्हाध्यक्ष प्रकाश भोईर, डोंबिवली शहर अध्यक्ष मनोज घरत, प्रकाश माने, दिपीकी पेडणोकर, स्वप्ना पाटील, ज्योती खवसकर, मिलिंद म्हात्रे, दीपक शिंदे, संदीप म्हात्रे, रविंद्र गरुड, सुहास काळे, दिप्तेश नाईक, रमेश यादव, प्रदीप बावसकर, परेश भोईर, प्रेम पाटील, उदय वेळासकर आदी उपस्थित होते. गेल्या दीड वर्षात संपूर्ण जग हे कोरोना आजाराने त्रस्त असताना जनजीवन पूर्व पदावर येत आहे. फुले ही माणसाला जगावे कसे हे शिकवितात. या भारलेल्या टवटवीत सुगंधी रंगबेरंगी फुलांसारखे जीवन जगता यावे याकरीता गुलाब, मोगरा, जास्वंदी अशी फूलझाडे मनसेच्या वतीने वाटप करुन चैत्यन्य जागृत करण्यात आले.